ބޮލީވުޑްގެ ރީތި ބަތަލާ ކެޓްރީނާ ކައިފް އާއި ސައުތުގެ އެފަދަ ދެވަނެއް ނުވާ ކާމިތާބު އެކްޓަރ ވިޖޭ ސެތުޕަތީ އެކުގައި ފެނިގެންދާ ފިލްމް "މޭރީ ކްރިސްމަސް" އަންނަ އަހަރަށް ފަސްކޮށްފިއެވެ.
މިއަަހަރުގެ މެދުތެރޭގައި ޝޫޓިންގ ފެށި މި ފިލްމުގެ ބޮޑު ބައެއް މިހާރު ޝޫޓް ކޮށްފައިވާ އިރުގައި ކުރިން ފިލްމު ރިލީޒްކުރަން ތާވަލް ކޮށްފައި އޮތީ މި އަހަރުގެ ކްރިސްމަސް އަށެވެ. ކޮންމެ އަހަރެއްގައި ވެސް ކްރިސްމަސް ފާހަގަ ކުރަނީ ޑިސެމްބަރު މަހުގެ 25 ވަނަ ދުވަހުއެވެ.
View this post on Instagram
"ރޭސް" ފަދަ ކާމިޔާބު ފިލްމުތަކެއް ގެނެސްދިން ރަމޭޝް ތައުރާނީ ޕްރޮޑިއުސްކޮށް، ސްރީރާމް ރަގްވަން ޑައިރެކްޓްކުރާ "މޭރީ ކްރިސްމަސް" އަކީ ތުރިލާއެކެވެ. ސްރީރާމް އެންމެ ފަހުން ގެނެސްދިން ފިލްމަކީ ތިން ނެޝަނަލް އެވޯޑް ހޯދި 2018 ގެ ބްލެކް ކޮމެޑީ ކްރައިމް ތުރިލާ "އަންދާދުން" އެވެ.
އެ ފިލްމުން ފެނިގެން ދިއައީ އަޔުޝްމާން ކުރާނާގެ އިތުރުން ތާބޫއެވެ. އަޔޫޝްމާނަށް އެ ފިލްމުން އެންމެ މޮޅު އެކްޓަރުގެ ނެޝަނަލް އެވޯޑް ލިބުނު އިރު، އެންމެ މޮޅު ސްކްރީންޕްލޭގެ އިތުރުން އެންމެ މޮޅު ހިންދީ ފިލްމުގެ އެވޯޑް ވެސް އެއަށް ލިބުނެވެ.
View this post on Instagram
"މޭރީ ކްރިސްމަސް" އަކީ އިންޓަވަލެއް ނުހިމެނޭ ގޮތަށް ހަދާ 90 މިނިޓްގެ ފިލްމެކެވެ. ބޮލީވުޑް ހަންގާމާއިން ބުނިގޮތުގައި މި ފިލްމު ސްރީރާމް ހަދަނީ ކުރު ވާހަކައެއްގެ މައްޗަށް ބިނާކޮށެވެ. "މޭރީ ކްރިސްމަސް" އަށް ފަހު އޭނާ ދެން ހަދާނީ ބަޔޮގްރަފިކަލް ޑްރާމާއެކެވެ. "އެއްކީސް" ކިޔާ ފިލްމުގެ ބަތަލަކީ ވަރުން ދަވަނެވެ.
View this post on Instagram
"މޭރީ ކްރިސްމަސް" އަންނަ އަހަރަށް ފަސްކުރި އިރު، ކެޓްރީނާގެ "ފޯން ބޫތު" އަންނަ މަހުގެ 4 ގައި ރިލީޒްކުރާނެ އެވެ. "މޭރީ ކްރިސްމަސް" ގެ އިތުރުން ކެޓްރީނާ ކައިފް އާއި ސަލްމާން ޚާން ފެނިގެންދާ ފްރެންޗައިޒް ފިލްްމް "ޓައިގާ" ގެ 3 ވަނަ ފިލްމު ވެސް ވަނީ ފަސްކޮށްފައެވެ.
