"މަނިކޭ މަގޭ ހިތޭ" ލަވައިން ދުނިޔޭގެ މަޝްހޫރުކަން ހޯދި ޔޮހާނީ ޑި ސިލްވާ އާއެކުގައި ރާއްޖޭގައި ބާއްވާ ޝޯ ފަސްކޮށްފިއެވެ.
ޔޮހާނީ ރާއްޖޭގައި ޕާފޯމް ކުރާނެ ކަން އިއުލާނު ކޮށްފައި ވަނީ ބައިސްކޯފުންނެވެ. އެގޮތުން ބައިސްކޯފްގެ "ޗަނާޗާ 2022″ގައި އޭނާ ޕާފޯމް ކުރާނެ ކަމަށް ބައިސްކޯފުން ވަނީ ބުނެފައެވެ.
ކުރިން މި މަހުގެ 28 ގައި ހުޅުމާލޭގައި "ޗަނާޗާ" ގެ ނަމުގައި ބާއްވަން ތާވަލުކޮށްފައި އޮތް ބޮޑު މިއުޒިކް އިވެންޓް މި މަހުގެ 29 އަށް މިހާރު ވަނީ ފަސްކޮށްފައެވެ.
ބައިސްކޯފުން އާއްމު ކުރި ވީޑިއޯ ކްލިޕެއްގައި ވަނީ ޔޮހާނީ މަނިކޭ މަގޭ ހިތޭ ލަވަ ކިޔާތަނެވެ. އަދި އޭނާ ޗަނާޗާ 2022 ޕްރޮގްރާމްގައި ޕާފޯމް ކުރާނެ ކަމަށް ބުނެފައި ވެއެވެ.
Are you ready for Chanaachaa 2022? Yohani is!
Get your tickets for 28th October! @yohanimusic #chanaachaa2022 #biggestlocalmusiccelebration pic.twitter.com/fBuaP9VIKh— Baiskoafu (@baiskoafu) October 11, 2022
"މަނިކޭ މަގޭ ހިތޭ" ލަވައިގެ އޮރިޖިނަލް ލަވަ ރިލީޒްކޮށްފައިވަނީ 2020 ވަނަ އަހަރުގެ ޖުލައިމަހުގެ ތެރޭގައެވެ. އުމުރުން 28 އަހަރުުގެ ޔޮހާނީގެ އަޑުގައި އެތައް ބަޔަކު ޖެހުނީ އޭނާގެ އަޑުން ކިޔާފައިވާ މަނިކޭ މަގޭ ހިތޭ ލަވައާއެކުގައެވެ.
