ޑެންގޫ ހުން ޖެހިގެން ޒުވާނަކު ނިޔާ ވެއްޖެއެވެ.
މައުލޫމާތު ލިބިފައިވާ ގޮތުގައި ނިޔާވެފައިވަނީ ރ. ދުވާފަރު އަތޫފް އަހްމަދު، 21 އެވެ. އޭނާ ނިޔާވެފައިވަނީ ރ. އުނގޫފާރުގައެވެ.
އޭނާ ނިޔާވެފައިވަނީ ޑެންގޫއަށް ޕޮޒިޓިވްވެ ރ. ދުވާފަރު ހޮސްޕިޓަލުގައި ފަރުވާ ދިނުމަށްފަހު، އިތުރު ފަރުވާއަށް ރ. އުނގޫފާރު ރީޖަނަލް ހޮސްޕިޓަލަށް ގެނެސް ފަރުވާ ދެމުން ދަނިކޮށެވެ. ރާ އުނގޫފާރު ހޮސްޕިޓަލަށް އޭނާ ގެނެސްފައިވަނީ ރޭގެ ވަގުތެއްގައެވެ.
އޭނާ ނިޔާވެފައިވަނީ މިއަދު މެންދުރު ފަހުއެވެ.
މީގެ ހަފްތާއެއް ކުރިންވެސް ޑެންގޫ ހުން ޖެހިގެން 19 އަހަރުގެ ޒުވާނަކު ވަނީ ނިޔާވެފައެވެ.
