އިންޑިއާގެ އެންމެ ހުނަރުވެރި އެއް ޑައިރެކްޓަރު ކަމަށްވާ އެސްއެސް ރާޖަމޯލީގެ ކުރިއަށް އޮތް ފްރޮޖެކްޓް މަޝްހޫރު ތެލެގޫ އެކްޓަރ މަހޭޝް ބާބޫއާ އެކުގައި ގެނެސްދޭން ނިންމިކަން އިއުލާން ކޮށްފައި ވަނީ މިދިއަ އަހަރުގެ ކުރީ ކޮޅުއެވެ.
ރާޖަމޯލީ އެންމެ ފަހުން ގެނެސްދިން ފިލްމް "އާރްއާރްއާރް" އަކީ ސައުތުގެ ވަރުގަ ދެ ތަރިން ކަމުގައިވާ ރާމް ޗަރަން އާއި އެންޓީއާރް ޖޫނިއާގެ އިތުރުން ބޮލީވުޑްގެ ދެ ތަރިން ކަމަށްވާ އާލިއާ ބަޓާއި އަޖޭ ދޭވްގަން ފެނިގެންދިޔަ ފިލްމެކެވެ.
BIGGG NEWS… #Telugu superstar #MaheshBabu and director #SSRajamouli to collaborate… #Mahesh will star in #Rajamouli's next directorial, after #RRR… Produced by KL Narayana… Will go on floors in 2022. pic.twitter.com/DhgUlqaKCz
— taran adarsh (@taran_adarsh) April 18, 2020
ސައުތުގެ މެގަ ހިޓް "ބާހުބަލީ"ގެ ވެސް ޑައިރެކްޓަރ ރާޖަމޯލީ އާއި ކާމިޔާބު އެތައް ފިލްމެއް ގެނެސްދީފައިވާ ކޭއެލް ނަރާޔަނާ އެކުގައި ހަދާ މި ފިލްމަކީ މީގެ ކުރިން ރާޖަމޯލީ ގެނެސްދިން ފިލްމު ތަކަށް ވުރެ ފުރިހަމަ އަދި މާ ވަރުގަދަ ފިލްމަކަށް ވާނެއެވެ.
އަނެއް ކޮޅުން މަހޭޝް އަކީ ތެލެގޫ ފިލްމު އިންޑަސްޓްރީގެ އެންމެ ކާމިޔާބު އަދި އެންމެ ޑިމާންޑް ބޮޑު އެއް ތަރިއެވެ. މީގެ އިތުރުން ރާޖަމޯލީ ގެ ފިލްމް "އެސްއެސްއެމްބީ 29″ ގައި ހޮލީވުޑުގެ އެކްޓަރ ކްރިސް ހެމްވާތު ހާއްސަ ފެނިލުމަކުން ފެންނާނެ ކަމަށް މިހާރު ރިޕޯޓްތަށް އަންނަނީ ބުނަމުންނެވެ.
View this post on Instagram
އެހެންކަމުން މި ފިލްމަށް އަދި އިތުރު ފުރިހަމަ ކަމެއް ލިބިގެންދާނެއެވެ. ކްރިސް ހެމްވާތު އެންމެ ފާހަގަ ކޮށްލެވެނީ އޭނާގެ ކެރެކްޓަރ "ތޯރް" އިންނެވެ.
މަހޭޝް، 44، އަކީ މިހާތަނަށް ކާމިޔާބު އެތައް ފިލްމެއް ކުޅެގެން އެތައް އެވޯޑެއް ވެސް ހޯދާފައިވާ ކާމިޔާބު އެކްޓަރެކެވެ.
