ރާއްޖޭގެ ޚާރިޖީ ސިޔާސަތު މިސަރުކާރުން ބައްޓަން ކޮށްފައިވާ ގޮތުން މުޅި ދުނިޔެއިން ރާއްޖެއަށް ތަޢުރީފް ކުރަމުންދާކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.

ރޮޒޭނާ މިހެން ވިދާޅުވީ އެމްއެންޕީގެ ޤައުމީ ޖަލްސާ ފެށުމުގެ ގޮތުން ކުރީގެ ފޮރިންމިނިސްޓަރ މިސަރުކާރުގެ ޚާރިޖީ ސިޔާސަތާއި ގުޅޭގޮތުން ދެއްކެވި ވާހަތަކަށް ރައްދު ދެއްވައި ކުރެއްވި ޓުވީޓެއްގައެވެ. ދުންޔާ މައުމޫނަކީ ރައީސް ޔާމީންގެ ވެރިކަމުގެ ކުރީކޮޅު ފޮރިން މިނިސްޓަރުކަން ކުރެއްވި ބޭފުޅެކެވެ.

ރޭގެ ދުންޔާ ވިދާޅުވީ ބައިނަލްއަގްވާމީ މައިދާނުގައި މިއަދު ރާއްޖެ ސިފަކުރަނީ "ދަސްކުރާ ބޯޑު ޖަހައިގެން އުޅޭ ގައުމެއްގެ ގޮތުގައި" ކަމަށެވެ. މިސަރުކާރުގެ ޑިޕްލޮމަސީގައި ވެސް ހިމެނެނީ އެންމެ ދެބަސް ކަމަށާއި "އެއީ ޔެސް އެކްސެލެންސީ" ކަމުގައި ވިދާޅުވިއެވެ. ރާއްޖޭގެ އަނބުރާއި ޝަރަފާއި އިއްޒަތާއި ކަރާމާތް ވެއްޔާ މޮޑެލާފައިވާ ކަމަށްވެސް ވިދާޅުވިއެވެ.

ދުންޔާގެ ވާހަކަތަކަށް ރައްދު ދެއްވައި ރޮޒޭނާ ވިދާޅުވީ ރާއްޖެއާއި ބައިނަލް އަގުވާމީ ދުނިޔެއާއި އޮތް ގުޅުން ކަނޑާލީ ޚާރިޖީ ވަޒީރުކަމުގައި ދުންޔާ ހުންނެވި ސަރުކާރުންކަމަށެވެ. މިސަރުކާރުން ދަނީ ދުނިޔެއާއި ގުޅި ޤައުމަތަކާއިއެކު ގާތް ގުޅުމެއް ބާއްވަމުންކަމަށް ރޮޒޭނާ ވިދާޅުވިއެވެ. މިއަދު މުޅި ދުނިޔެއިން ރާއްޖޭގެ ޚާރިޖީ ސިޔާސަތު ބަލައިގަނެ ސަރުކާރަށް ތައުރީފް ކުރަމުންދާކަމަށް ރޮޒޭނާ ވިދާޅުވިއެވެ.

ދުންޔާ ތިވަރަށް ދޮގު ހަދާކަށް ނުވާނެ ނޫންތޯ؟ ކަމަނާގެ ފޮރިން މިނިސްޓަރު ކަމުގައި މުޅިދުނިޔެއާއި ގުޅުން ކަނޑާލާ މުޅި ބޭރު ދުނިޔޭގައި ރާއްޖޭގެ އަގު ވެއްޓިފަ އޮތީ. މިއަދު މުޅި ދުނިޔެ ރާއްޖެއަށް ތަޢުރީފް އެބަކުރޭ.

– ރޮޒޭނާ ވިދާޅުވިއެވެ.

Dhunya thivarah dhoguhadhan ladheh nuganeytho? Kamanaage foreign minister kamuga mulhidhuniye aa gulhun kandaalaa mulhi beyru dhuniyeyga raajjeyge agu vettifa othy. Miadhu mulhidhuniye raajje ah thaureef ebakurey. Ur sister is making the difference that u couldn’t & in this govt.

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) September 23, 2022

ނިމިދިޔަ ރައީސް ޔާމީންގެ ވެރިކަމުގައި ޚާރިޖީ ގޮތުން ގެންގުޅުނު ސިޔާސަތަކީ އެސަރުކާރަށް އެންމެ ބޮޑަށް ފާޑުކިޔުން އަމާޒުވި ސިޔާސަތެވެ. ކޮމަންވެލްތުން ރާއްޖެ ވަކިވުމާއި، ބައިނަލް އަގުވާމީ ބޮޑެތި ޖަމްއިއްޔާ ޖަމާއައްތަކާއި ދެކޮޅުވުމަކީ އޭރުގެ ސަރުކާރަށް ބޮޑެތި ފާޑުކިޔުން އަމާޒުވި ކަންކަމެވެ. ޚާރިޖީ ގޮތުން ރައީސް ޔާމީންގެ ވެރިކަމުގައި އެންމެ ބޮޑަށް ބަރޯސާ ވެފައިވަނީ ޗައިނާއަށެވެ.

މިސަރުކާރު ވެރިކަމަށް އައިސް ޗައިނާއާއި އޮތް ގުމުން ކުޑަކޮށް، އަވަށްޓެރި އިންޑިއާއާއިއެކުވަނީ ގުޅުން ބަދަހިކޮށްފައެވެ. މިސަރުކާރުގެ ޚާރިޖީ ސިޔާސަތަށްވެސް ކުރިމަތިވާ އެންމެ ބޮޑު ފާޑުކިޔުމަކީ ވަކި ޤައުމަކާއިއެކު މާބޮޑަށް ގުޅުން ބަދަހިކުރާތީއެވެ.