ލޯބިވާ އަނބި މީހާ އާލިއާ ބަޓާއި ދުރުގައި ހުރުމަކީ ކުޅަދާނަ ކަމެއް ނޫން ކަމަށާއި، އޭނާ ކައިރީގައި ނުހުންނަ ނަމަ އެއްވެސް ކަމެއް ނުކުރެވޭ ކަމަށް ރަންބީރު ކަޕުރު ބުނެފިއެވެ.
ވަރަށް އަވަހަށް މި ދެމީހުންނަށް އަލަތު ދަރިފުޅު ލިބޭނެއެވެ. އާލިއާ އާއި ރަންބީރަކީ އެކަކު އަނެކަކަށް ވަރަށް ބޮޑަށް ބަރޯސާވެފައިވާ ދެމަފިރިން ކަމަށް އޭނާ ވަނީ ދާދިފަހުން ދިން އިންޓަވިއުއެއްގައި ބުނެފައެވެ.
އެހެން ކަމުން އާލިއާ ނެތް ނަމަ އޭނާއަށް ނުކެވޭ ކަމަށާއި ނުނިދޭ ކަމަށަށްވެސް އޭނާ ވަނީ ބުނެފައެވެ. އަދި އޭނާ ކޮބައިތޯ ބަލާ ކަމަށާއި ނެތް ނަމަ ހިތަށް ހަމަޖެހުމެއް ނުލިބޭ ކަމަށް ވަނީ ބުނެފައެވެ.
View this post on Instagram
ރަންބީރު ބުނި ގޮތުގައި އޭނާއަށް ކެވެނީ ވެސް ނުވަތަ ފާހާނާއަށް ވަދެވެނީ ވެސް އާލިއާ ވީ ތަނެއް ބަލައިފައެވެ. އަދި އަބަދުވެސް ބޭނުން ވަނީ އާލިއާ އޭނާގެ ކައިރީގައި ހުންނަން ކަމަށް ވެސް ރަންބީރު ވަނީ ބުނެފައެވެ. މިވާހަކައަށް އެއްބަސް ވުމުގެ ގޮތުން އާލިއާވެސް ބުނެފައިވަނި އެއީ ތެދު ކަމަށާއި އޭނާ ނެތްނަމަ ރަންބީރަށް އެއްވެސް ކަމެއް ނުކުރެވޭ ކަމަށެވެ.
View this post on Instagram
ރަންބީރާއި އާލިއާ ކައިވެނިކުރީ މިއަހަރުގެ އޭޕްރީލް 14 ގައިއެވެ. އެ މީހުންގެ ކައިވެނި އޮތީ އާއިލާ އާއި ގާތް މީހުންގެ ހާޒިރުގަ އެވެ.
