މި އަހަރުގެ މިހާތަނަށް ހުޅުމާލެއިން 1،600 ޓަނުގެ ކުނި ނަގާފައިވާ ކަމަށް (އެޗްޑީސީ) ގެ މެނޭޖިން ޑިރެކްޓަރު އަހުމަދު އާތިފް ވިދާޅުވެއްޖެއެވެ.
ވޯލްޑް ކްލީންއަޕް ޑޭ" ފާހަގަކުރުމަށް އެޗްޑީސީން ބޭއްވި "ދުނިޔެ މަގޭ" ޙަރަކާތުގައި ވާހަކަ ދައްކަވަމުން އެޗްޑީސީގެ މެނޭޖިން ޑިރެކްޓަރ އަޙުމަދު އާތިފް ވިދާޅުވީ ހުޅުމާލެ ސާފު ތަނެއްގެ ގޮތުގައި ބޭއްވުމަށް މިހާރުވެސް ވަރަށް ގިނަ މަސައްކަތްތައް ކުރާކަމަށެވެ. އެގޮތުން އާއްމު ތަންތަނާއި ޕާކުތަކާއި މަގުތައް ހިމެނޭހެން 90 ހެކްޓަރުގެ ސަރަޙައްދު ކޮންމެ ދުވަހަކު ސާފުކޮށް ބަލަހައްޓަން ޖެހޭކަމަށެވެ. މިއީ ވަރަށް ބުރަ، ބޮޑު މަސައްކަތެއްކަމަށާއި މިކަމުގައި އާއްމުން އެއްބާރުލުން ވަރަށް ބޮޑަށް ބޭނުންވާކަމަށް އާތިފް ވިދާޅުވިއެވެ.
އަދިވެސް ވަރަށް ގިނަ މަސައްކަތްތައް ކުރަން އެބަހުރި. މިއަހަރުގެ މިހާތަނަށްވެސް 1696 ޓަނުގެ ކުނި ހުޅުމާލެއިން އެކަނި ނެގިފަވޭ. ކުނި އުފައްދާ މިންވަރު ދަނީ އިތުރުވަމުން. ކުނި މަދުކުރެވޭނީ އެންމެން އެކީގައި މަސައްކަތްކޮށްގެން ނޫނީ ކުނި މަދެއް ނުކުރެވޭނެ.
– އާތިފް ވިދާޅުވިއެވެ.
ހައުސިން ޑިވެލޮޕްމަންޓް ކޯޕަރޭޝަން އެޗްޑީސީން ފަށާފައިވާ "ދުނިޔެ މަގޭ" ސާފުކުރުމުގެ ހަކާތުގައި އެކިއެކި މުވައްސަސާތަކާއި ސްކޫލް ދަރިވަރުން ހިމެނޭހެން 1600އަށްވުރެ ގިނަމީހުން ބައިވެރިވެފައިވެއެވެ. ހުޅުމާލޭގައި މި ހަރަކާތް ފަށާފައިވަނީ ފޭސް1 އަދި ފޭސް2އާ ގުޅޭ ސަރަޙައްދުންނެވެ. މި ޙަރަކާތް ފަށްޓަވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމެވެ.
"ވޯލްޑް ކްލީންއަަޕް ޑޭ"ފާހަގަކުރުމަށް، ހުލުމާލޭގެ އިތުރުން މާލޭގައިވެސް އެކި ހަރަކާތްތައް ކުރިއަށްގެންދިޔައެވެ. އަދި އަތޮޅުތަކުގެ ރަށްރަށުގައި، އެކި މުވައްސަސާތަކާއި އާއްމު ރަށްޔިތުން ނިކުމުގެ، ސާފުކުރުމުގެ ހަރަކާތްތައް ވަނީ ބާއްވާފައެވެ.
