ސިލްސިލާ ޑްރާމާ ތަކުން މަގުބޫލުކަން ހޯދުމަށްފަހު ބޮލީވުޑްގައި ފައިތިލަ ސާބިތު ކުރުމުގެ މަސައްކަތް ކުރަމުން އަންނަ ޒުވާން އެކްޓްރެސް މުރުނާލް ޓާކުރް ކައިވެނި ކުރަން ބޭނުން ނުވާ ކަމަށް ބުނެފިއެވެ.
"ބަމްބަލް ޔޫޓިއުބް ޗެނަލް"ގެ ދެވަނަ އެޕިސޯޑުގައި މެހުމާނެއްގެ ގޮތުން ބައިވެރިވި މުރްނާލް ވަނީ އޭނާގެ ގިނަ ވާހަކަ ތަކެއް ހިއްސާ ކޮށްފައެވެ.
މުރްނާލް ބުނީ ލޯބީގެ ގޮތުން މީހަކާ ގުޅިގެން އުޅެން ބޭނުން ނުވާ ކަމަށާއި ނަމަވެސް ދަރިއަކު ވަރަށް ބޮޑަށް ބޭނުން ވާކަމަށެވެ.
އަދި "އެގް ފްރީޒް" ކޮށްގެން ދަރިއަކު ހޯދައި އެކަނިވެރި މައެއްގެ ގޮތުގައި ދަރިފުޅު ބަލައި ބޮޑު ކުރުމަށް މުރްނާލްގެ މަންމަ އާއި އާއިލާގެ ފަރާތުން އެއްބަސް ވެފައިވާ ކަމަށް އޭނާ ބުނެފައިވެއެވެ. އަދި ކުއްޖާ ބެލުމަށް އެމީހުންގެ ސަޕޯޓް ލިބޭނެ ކަމަށް ބުނެފައިވާކަށް ވެސް އެނާ ވަނީ ބުނެފައެވެ.
މުރްނާލް އޭނާގެ އެކްޓިން ކެރިއަރު ފަށާފައިވަނީ 2012 ވަނަ އަހަރުން 2013 ވަނަ އަހަށް ދެއްކި ޑްރާމާ ސިލްސިލާ "މުޖްސޭ ކުޗް ކެހެތީ.. ޔޭ ޚާމޯޝިޔާ" އިންނެވެ. އޭނާ އާންމުގެ ތެރެއަށް މަގުބޫލު ވެގެން ދިއައީ "ކުމްކުމް ބާގިޔާ"ގެ ބުލް ބުލްގެ ރޯލުންނެވެ.
ފިލްމީ މަސައްކަތަށް ބަލާއިރު އޭނާ ވަނީ މަޝްހޫރު އެކްޓަރު ޝާހިދު ކަޕޫރާއެކު "ޖާޒީ" ގައި ލީޑު ރޯލުން ފެނިގެން ގޮސްފައެވެ. އަދި ހަމަ އެހެންމެ ރިތިކް ރޯޝަން އާއި އެކުގައި "ސުޕަ 30″ އިން ވެސް އޭނާ ވަނީ ބެލުންތެރިންގެ މަގުބޫލު ކަން ހޯދާފައެވެ.
ކޮމެންޓު ފޮނުވާ