ބޮލީވުޑްގެ ކުރީގެ މަޝްހޫރު ބަތަލާ މާދުރީ ޑިކްސިޓްގެ ކުރިއަށް އޮތް ފިލްމު "މަޖާ މާ" އެމެޒަން ޕްރައިމް ވީޑިއޯ އިން ޕްރީމިއާކުރާ ގޮތަށް ނިންމައި، އޭގެ ޕޯސްޓަރު ދައްކާލައިފިއެވެ.
އަންނަ މަހުގެ 6 ގައި އެމެޒަން ޕްރައިމް ވީޑިއޯ އިން ޕްރީމިއާކުރާ ގޮތަށް ނިންމާފައިވާ މި ފިލްމަކީ ސުމިތު ބަތޭޖާގެ ސްކްރީން ޕްލޭއަކަށް އާނަންދު ތިވާރީ ޑައިރެކްޓްކޮށްފައިވާ ފިލްމެކެވެ.
"މަޖާ މާ" އަކީ ފިރިހެން ދަރިއެއްގެ ކައިވެނީގެ ޕްލޭނަކަށް މަޔަކުވަމުން އަންނަ ތައްޔާރީތަކާއި އެކަމާ ގުޅިގެން ހިނގާ ކަންތައްތަކެއް ފެންނާނެ ފިލްމެކެވެ.
the dancing diva is back and how! blessing your screens to do away with your mid-week blues – now we're feeling Maja Ma 😉
watch #MajaMaOnPrime, Oct 6@MadhuriDixit @raogajraj @ritwikbhowmikk @BarkhaSingh0308 #SrishtiSrivastava #RajitKapur #SheebaChaddha #SimoneSingh pic.twitter.com/JvgbMGzvKa
— prime video IN (@PrimeVideoIN) September 14, 2022
މި ފެމިލީ ކޮމެޑީގެ ކާސްޓްގައި ގަޖްރާޖް ރާއޯ، ރިތުވިކް ބޯމިކް، ބަރްކާ ސިންގް، ސުރިޝްތީ ސްރިވަސްތާވް، ޝީބާ ޗައްޑާ، ރަޖިތު ކަޕޫރް އަދި ސިމޯން ސިންގް ހިމެނެއެވެ.
55 އަހަރުގެ ބަތަލާ އެންމެ ފަހުން ފެނިފައި ވަނީ ނެޓްފްލިކްސް މި އަހަރުގެ ކުރީކޮޅު ޕްރިމިއާކުރި ވެބް ސީރީޒް "ދަ ފޭމް ގޭމް" އިންނެވެ.
