މިމަހުގެ 9 ވަނަ ދުވަހު މަޖީދީ މަގުގައި ހުންނަ ޔޫރޯ ސްޓޯރު ކުރިމަތިން 3 ފުލުހަކަށް ހަމަލާދިން މައްސަލައާ ގުޅިގެން އިތުރު 5 މީހަކު ހައްޔަރުކޮށްފިއެވެ.
މިމައްސަލައާ ގުޅިގެން މީގެކުރިން ވަނީ 3 މީހަކު ހައްޔަރުކޮށްފައެވެ. ކޮމިޝަނަރު އޮފް ޕޮލިސް މުހައްމަދު ހަމީދު މިރޭ ކުރެއްވި ޓްވީޓެއްގައި ވިދާޅުވީ ފުލުހުންނަށް ހަމަލާ ދިން މައްސަލައާ ގުޅިގެން އިތުރު 5 މީހަކު ހައްޔަރުކޮށްފައިވާކަމަށެވެ. އަދި އެމީހުން ހައްޔަރުކޮށްފައި ވަނީ ފިލައިގެން އުޅެނިކޮށްކަމަށްވެސް ކޮމިޝަނަރ އޮފް ޕޮލިސް ވިދާޅުވިއެވެ.
ކޮމިޝަނަރ ވިދާޅުވީ ގޭންގުތަކުގެ ހަރަކާތްތައް ހުއްޓުވުމަށް ކުރާ މަސައްކަތް ކުރިއަށް ގެންދަވާނޭކަމަށެވެ. މި ހަމަލާގާއި އަނިޔާ ލިބުނު ފުލުހުންނަށް ދަނީ އޭޑީކޭގައި ފަރުވާ ދެމުންދާއިރު ފުލުހުން ވިދާޅުވީ ތިން ފުލުހުންނަށް ހަމަލާ ދީފައިވަނީ މާލޭގައި ހަރަކާތްތެރިވާ މަޝްހޫރު ގޭންގަކަށް ނިސްބަވާ ބަޔަކު ކަމަށެވެ. އަދި މިހަމަލާ ދީފައިވަނީ ފުލުހުންގެ ޑްރަގް އެންފޯސްމަންޓްގެ ތިން ފުލުހަކު ރަސްމީ ޑިއުޓީ އަދާކުރަމުން ދަނިކޮށްކަމަށްވެސް ފުލުހުން ވިދާޅުވެއެވެ.
Tonight we have arrested 5 more suspects who assaulted 3 @PoliceMv Drug Enforcement officers whilst they were off duty last Friday. Our teams found them hiding. We will continue cracking down on organised crime groups. Assaults on officers of the law will be dealt forcefully.
— Mohamed Hameed (@M_Hameedh) September 14, 2022
ފުލުހުންނަށް ހަމަލާ ދިން މީހުން ހަމަލާ ދީފައިވަނީ ހަތިޔާރު ބޭނުން ކޮށްގެންކަމަށް ފުލުހުން ވިދާޅުވެއެވެ. ނަމަވެސް އެއީ ކޮންބާވަތެއްގެ ހަތިޔާރެއްކަން އަދި އެކަމުގެ ތަފްސީލެއް ދެއްވާފައެއް ނުވެއެވެ.
ކޮމިޝަނަރ އޮފް ޕޮލިސް ވިދާޅުވީ މިފަދަ ނާތަހުޒީބު އަމަލުތަކުގެ ސަބަބުން ގޭންގުތަކާއި ދެކޮޅަށް ފުލުހުން ހިންގާ އޮޕަރޭޝަންތަކާއި، މަސްތުވާތަކެއްޗާއި ދެކޮޅަށް ހިންގަމުންދާ އޮޕަރޭޝަންތަކަށް މަޑުޖެހުމެއް ނާންނެކަމަށެވެ.
ކޮމެންޓު ފޮނުވާ