ބޮލީވުޑްގެ ތަރި، ސިދާތު މަލްހޮތުރާ ލީޑު ރޯލު ކުޅޭ ފިލްމު "ޔޯދާ"ގެ ޝޫޓިންގ މަނާލީގައި ފަށައިފިއެވެ. މި ފިލްމުގައި ސިދާތު ފެނިގެން ދާނީ އާމީ އޮފިސަރެއްގެ ގޮތުގައެވެ.
ސިދާތާ އެކުގައި މި ފިލްްމުން ދެ ބަތަލާއެއް ފެނިގެން ދާނެއެވެ. އެއީ ސައުތުގެ ވަރަށް މަޝްހޫރު ތަރިއެއް ކަމުގައިވާ ރާޝީ ކަންނާގެ އިތުރުން ދިޝާ ޕަޓާނީއެވެ.
ކަރަން ޖޯހަރުގެ "ސްޓޫޑަންޓް އޮފް ދަ އިޔާ" އިން ފިލްމީ ދާއިރާއަށް ނުކުތް ސިދާތުގެ "ޔޯދާ" ގައި ދައްކުވައި ދެނީ ހައިޖެކްޓް ކޮށްފައިވާ މަތިންދާބޯޓެއްގައި ތިބި ބަޔަކު ސަލާމަތް ކުރުމަށް ކުރާ މަސައްކަތް ތަކެކެވެ.
ކުރިން ރާވާފައިވާ ގޮތަށް އެ ފިލްމަކީ މި އަހަރުގެ ނޮވެމްބަރު 11 ގައި ރިލީޒްކުރާ ގޮތަށް އޮތް ފިލްމެކެވެ. މި އެކްޝަން ތުރިލާއަކީ "ދަރްމާ ޕްރޮޑަކްޝަން"ގެ ފުރަތަމަ އޭރިއަލް އެކްޝަން ފްރެންޗައިޒް ފިލްމެވެ.
މިދިއަ އަހަރު މި ފިލްްމު އިއުލާންކޮށް ފިލްމުގެ ޕޯސްޓަރުވެސް ވަނީ ދައްކާލައިފައެވެ. ސިދާތު އެންމެ ފަހުން ފެނިގެން ދިޔަ ފިލްމު "ޝޭރްޝާހް" ގައި ވެސް އޭނާ ކުޅެފައި ވަނީ އާމީއެއްގެ ރޯލެވެ. ސިދާތުގެ ކުރިއަށް އޮތް ފިލްްމަކީ "ތެންކް ގޯޑް" އެވެ.
ކޮމެންޓު ފޮނުވާ