ސަލްމާން ޚާން ހޯސްޓްކުރާ މަޝްހޫރު ރިއަލިޓީ ޝޯ "ބިގް ބޮސް" 16 ވަނަ ސީޒަންގެ ޕްރޮމޯ އާންމުކޮށްފިއެވެ.
މި ޝޯވ އަކީ ކަލާސް ޗެނަލުން ގެނެސްދޭ ޝޯ އެކެވެ. މި ޕްރޮމޯގައި ފެންނަނީ ވީރާނާވެފައިވާ ގެއެއްގެ ތެރޭގައި ސަލްމާން ހަރަކާތްތެރިވާ ތަނެވެ. އަދި ޕްރޮމޯ ފެށިގެން އަންނަ އިރު، އެ ގޭގެ ތެރޭގައި އިންނަ ލޯގަނޑަކުން "ބިގް ބޮސް" ގެ އެކި ސީޒަންތަކުގެ ބައެއް ބައިވެރިން ވެސް ފެނެ އެވެ.
މި ޝޯ ދައްކަން ފަށާނެ ދުވަހެއް ޕްރޮމޯގައި ބުނެފައި ނުވިނަމަވެސް ވަރަށް އަވަހަށް ދައްކަން ފަށާނެ ކަމަށް ވަނީ ބުނެފައެވެ. ބެލެވޭ ގޮތުގައި ކުރިއަށް އޮތް ތަނުގައި އަދި އިތުރު ޕްރޮމޯތަކެއް ފެނިގެންދާނެއެވެ.
View this post on Instagram
މި ޝޯގެ ބައިވެރިން ވެސް އަދި އިއުލާން ކޮށްފައެއް ނުވެއެވެ. ތުން ތުން މަތިން އިވިފައިވާ ގޮތރުގައި މި ޝޯވގައި "ބިގް ބޮސް"ގެ 15 ވަނަ ސީޒަންގެ ބައެއް ބައިވެރިން ވާދަކުރާނެއެވެ.
ރިއަލިޓީ ޝޯވް ބިގް ބޮސްގެ ރަސްމީ ހޯސްޓަކީ ސަލްމާން ޚާނެވެ. އެހެން ކަމުން މި ޝޯގެ ރަސްމީ ހޯސްޓާއެކު ކަލާސް ޗެނަލުން ޝޯ ވަރަށް އަވަހަށް ގެނެސްދޭން ފަށާނެއެވެ.
މިދިޔަ އަހަރު "ބިގް ބޮސް 15″ ކާމިޔާބުކުރީ ކަލާޒް އިން ދައްކާ ސިލްސިލާ "ނާގިން 6″ ގެ ބަތަލާ ތޭޖާސްވީ ޕްރަކާޝްއެވެ.
