އިލިއާނާ ޑިކްރޫޒް އާއި ކެޓްރީނާގެ ބޭބެ ސަބެސްޓިއަން ލޯބީގެ ގޮތުން ގުޅިގެން އުޅޭކަމަށް ވާހަކަ ދެކެވެން ފެށީ ކެޓްރީނާގެ 39 ވަނަ އުފަންދުވަސް ފާހަގަ ކުރުމަށް ރާއްޖެއަށް ކުރި ދަތުރާ ހިސާބުންނެވެ.
ކޮންމެއަކަސް މި ދަތުރުގައި އިލިއާނާ ބައިވެރިވެފައި ވާކަން، ކެޓްރީނާ އަދި މި ދަތުރުގެ އެހެން ބައިވެރިން ސޯޝަލް މީޑިއާގައި ހިއްސާ ކުރި ފޮޓޯތަކުން ވަނީ އެނގިގެން ގޮސްފައެވެ.
ކެޓްރީނާ އާއި އިލިއާނާ އެކުގައި އެއްވެސް މަސަކަތެއް މިހާތަނަށް ކޮށްފައި ނުވާއިރު، އަދި މިހާތަނަށް އެއްވެސް ވަރަކަށް އެމީހުންގެ "ފްރެންޑްޝިޕް" މީޑިއާއަށް ތިލަވެފައިއެއް ނުވެއެވެ.
އެއާއެކުގައި މީޑިއާއިން ވަނީ އިލިއާނާ އާއި ސަބެސްޓިއަން ލޯބީގެ ގޮތުން ގުޅިގެން އުޅޭކަމަށް ބުނެފައެވެ. ނަމަވެސް އިލިއާނާ މިވާހަކަ ތަކަކަށް ކޮމެންޓެއް ނުކުރެއެވެ. އެހެން ކަމުން އެ ސުވާލު އޮތީ ސުވާލު މާކެއްގެ ތެރޭގައެވެ.
View this post on Instagram
އިލިއާނާ އާއި ސަބެސްޓިއަން ގެ ގުޅުން ފަަޅާއަރުވައިލީ، ބޮލީވުޑްގެ ނުފޫޒު ގަދަ ޑައިރެކްޓަރ، ޕްރޮޑިއުސަރ ކަރަން ޖޯހަރު ގެނެސްދޭ "ކޮފީ ވިތު ކަރަން" ގެ 7 ވަނަ ސީޒަންގައެވެ. އެސީޒަންގެ އެންމެ ފަހު އެޕިސޯޑުގައި ކެޓްރީނާ ވަނީ ބައިވެރި ވެފައެވެ. އޭނާ ބައިވެރިވީ ކުރިއަށް އޮތް ފިލްމު "ފޯން ބޫތް"ގެ ޕްރޮމޯޝަންގައި ފިލްމުގެ ދެ ކޯސްޓާރުން ކަމުގައިވާ އިޝާން ޚައްޓަރާއި ސިދާތު ޗަތުރުވޭދީއާ އެކުގައެވެ.
އެ ޝޯގައި ކެޓްރީނާގެ އުފަންދުވުގެ ފޮޓޯ ތަކާއި ގުޅޭގޮތުން ވާހަކަ ދައްކަމުން ކަރަން ވަނީ އެދަތުރުގައި އިލިއާނާ ބައިވެރިވި ކަން ފާހަގަ ކޮށްފައެވެ. އެއާއި އެކުގައި ގިނަބަޔަކު ގަބޫލު ކުރާގޮތުގައި އެގުޅުން ކަރަން ކަށަވަރު ކޮށްދިނީއެވެ.
އިލިއާނާ ކުރިން ރައްޓެހިވީ އެމެރިކާގެ ފޮޓޯގްރާފަރެއް ކަމަށްވާ އެންޑްރޫ ނީބޯން ކިޔާ މީހަކާއެވެ. އެކަމަކު ހަތަރު ވަރަކަށް އަހަރު ފަހުން އެ ދެ މީހުން ވަނީ ރުޅިވެފައެވެ.
