މިމަހުގެ 10 ވަނަ ދުވަހުގައި އޮންނަ މުމަބައި ގެ އަތިރިމަތި ސާފުކުރުމުގެ ހަރަކާތެއްގައި ބައިވެއރި ވުމަށް ހުރިހާ އެންމެންނަށް ބޮލީވުޑްގެ ޒުވާން ބަތަލާ ޕަރިނީތީ ޗޯޕްރާ ދައުވަތު ދީފިއެވެ.
އޭނާގެ އިންސްޓަގްރާމުގައި ގައި ހިއްސާ ކޮށަފައިވާ ވީޑިއޯއެއްގައި ބުނެފައިވަނީ މި މަހުގެ 10 ވަނަ ދުވަހު ޖޫހޫގެ ގޮނޑުދޮށް ސާފު ކުރުމަށް ވީހާވެސް ގިނަ ބަޔަކު ބައިވެރި ވުމަށެވެ. އަދި މިއީ ޕަރިނީތީ އާއި ދިވްޔާޖް ފައުންޑޭޝަން އަދި ބާމްލާ ފައުންޑޭޝަން ގުޅިގެން ހިންގާ ހަރަކާތެއް ކަމަށެވެ. މި ހަރަކާތް ފެށޭނީ އިންޑިއާ ގަޑިން ހެދުނު 7 ޖަހާއިރުއެވެ.
ތަފާތު ފެސްޓިވަލްތައް ފާހަގަ ކުރުމަށްފަހު ގޮނޑުދޮށަށް ކުނި އަޅައިފައި ހުންނަލެއް ގިނަ ކަން ފާހަގަ ކުރެވޭ ކަމަށާއި މި ތަކެތީގެ ސަބަބުން ތިމާވެއްޓަށް ނޭދެވޭ އަސަރުކުރާ ކަމަށް ޕަރިނީތީ ވަނީ ބުނެފައިއެވެ. އަދި މިފަދަ ކަންކަމުގައި އިސްނައިގައިގެން ބައިވެރި އަމިއްލަ ޒިންމާ އަދާ ކުރުމަށް ވެސް އޭނާ ވަނީ ގޮވައިލައިފައިއެވެ.
View this post on Instagram
އުމުރުން މިހާރު 33 އަހަރުގެ ޕަރިނީތީގެ ހިތުގައި މޫދަށާއި، ކަނޑުފަޅުގެ ދިރުންތަކަށް ޚާއްސަ ލޯތްބެއް އުފެދުނީ 2013 ގައި ބާލީ އަށް ކުރި ޗުއްޓީ ދަތުރެއްގައި ފުރަތަމަ ފަހަރަށް ޑައިވްކުރަން ދިއުމަށް ފަހުއެވެ. އެ ޑައިވަށްފަހު އޭނާ ވަނީ ޕަޑީ އޯޕަން ވޯޓާ ޑައިވާ ސެޓިފިކެޓް ވެސް ހޯދައިފައެވެ. އަދި މީގެ އިތުރުން ޕަރިނީތީ ވަނީ ރާއްޖޭގައިވެސް ޑައިވް ކުރުމަށް ގޮސްފައިއެވެ.
2011 ވަނަ އަހަރު ބޮލީވުޑަށް ތަޢާރަފުވި ޕަރިނީތީ ދެން އެންމެ އަވަހަށް ފެނިގެންދާނީ ސޫރާޖް ބަރްޖަތުޔާގެ "އުންޗާއީ" އިންނެވެ.
