މިމަހުގެ 9 ވަނަ ދުވަހު ރިލީޒް ކުރުމަށް ތާވަލް ކޮށްފައިވާ އިންޑިއާގެ އެންމެ އަގުބޮޑު ފިލްމު "ބްރައްމަސްތުރާ" ގެ ދެވަނަ ބައި ރިތިކަށް ހުށައެޅި ނަމަވެސް އޭނާ ފިލްމު ދޫކޮށްލާފައިވާ ކަަމަށް ޚަބަރުތައް ބުނެފިއެވެ.
5 އަހަރުގެ ދިގު މުއްދަތެއް ނިންމުމަށް ހޭދަވި "ބްރައްމަސްތުރާ" އަކީ ވިޝުއަލް އިފެކްޓްސް ގިނަ ފިލްމެކެވެ. އަދި ފެންޓަސީ އެޑްވެންޗާއެއްގެ ގޮތުގައި ހަދާފައިވާ މި ފިލްމަކީ ތިން ބަޔަކަށް ގެނެސްދޭން ހަމަޖެހިފައިވާ ޓްރިލޮޖީގެ ފުރަތަމަ ބައެވެ.
ރިތިކް މިހާރުވެސް ދަނީ ވިޝުއަލް އިފެކްޓްސްތައް ގިނަ ދެ ފިލްމު ކަމަށްވާ "ކްރިޝް 4″ އާއި "ރާމާޔަނާ" ގެ މަސައްކަތް ކުރަމުންނެވެ. އެހެންކަމުން މި ދެ ފިލްމުގެ މަސައްކަތް ކުރަމުން އަނެއްކާވެސް ބޮޑު އެހެން ފިލްމަކަށް ވަގުތު ނުދެވޭނެ ކަމަށް ރިތިކް ވަނީ ބުނެފައެވެ.
View this post on Instagram
ފިލްމުގެ ޑައިރެކްޓަރު އަޔާން މުކަރުޖީ އާއި ޕްރޮޑިއުސަރު ކަރަން ޖޯހަރުގެ ފަރާތުން ލިބުނު އެ އޮފާ ރިތިކް ދޫކޮށްލީ، ރީތި ގޮތުގައި ކަމަށް ޚަބަރުތައް ބުނެއެވެ. މި ފުރުސަތު ރިތިކް ދޫކޮށްލުމުން "ބްރައްމަސްތުރާ" ގެ ޓީމުން މިހާރު އަންނަނީ އެ ރޯލަށް އެހެން ތަރިއެއް ހޯދުމުގެ މަސައްކަތް ކުރަމުންނެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ބުރައްމަސްތުރާ: ޕާޓް ވަން – ޝިވާ" ގެ ދެ ތަރިންނަކީ ދެމަފިރިން ކަމަށްވާ ރަންބީރު ކަޕޫރާއި އާލިއާބަޓެވެ.
Watch the power of the Astraverse unfold before your eyes on the big screen on 9th September in 2D, 3D and IMAX 3D!💫
Book your tickets for #Brahmastra today!
BMS: https://t.co/qDufXPK4SQ
Paytm: https://t.co/vXZR7oqNLT pic.twitter.com/dAjMDIYfEs— Dharma Productions (@DharmaMovies) September 3, 2022
މަސައްކަތް އެއްކޮށް ނިންމަން 4 އަހަރު ދުވަސް ނެގި މި ފިލްމަށް މިހާތަނަށް ޖުލްމަ 410 ކްރޯޑް ރުޕީސް (51.5 މިލިއަން ޑޮލަރު) ހޭދަވެފައިވާ ކަމަށް މީޑިއާތަކުން ބުނެއެވެ. އެހެންކަމުން މި ފިލްމަކީ ބޮލީވުޑްގައި މިހާތަނަށް އެންމެ ބޮޑު ހޭދަކޮށްގެން ހެދި ފިލްމެވެ.
މިމަހުގެ 9 ވަނަ ދުވަހު ފިލްމު ރިލީޒް ކުރާއިރު އިންޑިއާގެ 5000 ސިނަމާއެއްގައި ފިލްމު އަޅުވާނެއެވެ. އަދި ދުނިޔޭގެ އެކި ކަންކޮޅު ތަކުން 3000 ސިނަމާއެއްގައި ފިލްްމު ރިލީޒް ކުރާނެއެވެ. މިއީ މިފަދަ ގޮތަކަށް ބޮލީވުޑްގެ ފިލްމެއް ރިލީޒް ކުރާ ފުރަތަމަ ފަހަރެވެ.
