އިޓާލިއަން ލީގުގައި ކްރެމޮނޭސޭއާ ދެކޮޅަށް ކުޅުނު މެޗު ރޯމާއިން ކާމިޔާބުކޮށްފިއެވެ.
ރޯމާގެ ދަނޑުގައި ކުޅުނު މިމެޗް ރޯމާ ކާމިޔަބުކުރީ 1-0 ގެ ނަތީޖާއަކުންނެވެ. ދެޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ކްރެމޮނޭސޭއިން ގިނައިރު ބޯޅަ ގެންގުޅުނު އިރު ގިނަ ހަމަލާ އުފައްދާފައިވަނީ ރޯމާއިންނެވެ. މިމެޗްގައި ރޯމާއިން ކާމިޔާބުކުރި ހަމައެކަނި ލަނޑު މެޗްގެ 65 ވަނަ މިނެޓްގައި ލޮރެންޒޯ ޕެލެގްރީނީ ނަގާދިން ކޯނަރަކުން ކާމިޔާބުކޮށްދިނީ ޑިފެންޑަރ ކްރިސް ސްޕޯލިންގއެވެ.
މިމެޗްގައި ކްރެމޮނޭސޭއަށް ލިބިގެންދިޔަ އެންމެ ރަނގަޅު ފުރުސަތު ލިބިގެންދިޔައީ ފޯވަޑް ސައިިރިއަލް ޑެސަރސްއަށެެވެ. އޭނާ ފޮނުވާލި ހަމަލާ އަމާޒުވީ ރޯމާ ގޯލްގެ ހުރަސް ދަނޑިއަށެވެ. ޔޫރޮޕާ ކޮންފަރެންސް ލީގުގެ ފުރަތަމަ މުބާރާތް ކާމިޔާބުކޮށްފައިވާ ރޯމާއިން މިޙާރު ދެެމެޗް ކުޅެފައިވާއިރު އަދި މިސީޒަންގައި ބައިކޮޅަށް ލަނޑެއް ވަދެފައެއް ނުވެއެވެ.
މިކާމިޔާބީއާއެކު ރޯމާ މިވަނީ މިސީޒަންގައި ކުޅުނު ދެމެޗް ކަމިޔާބުކޮށް ތާވަލްގެ ތިންވަނައަށް ކުރިއަށް ޖެހިލާފައެވެ. އަދި ކްރެމޮނޭސޭ އުޅެނީ ކުޅުނު ދެމެޗުން ވެސް ބަލިވެ 18 ވަނައިގައެވެ. މިމުބާރާތުގައި ޔުވެންޓަސް އާއި ސެމްޕްޑޯރިއާ ބައްދަލުކުރިމެޗް ނިމުނީ އެއްވެސް ޓީމަކަށ ލަނޑެއް ކާމިޔާބު ނުކުރެވި ދެޓީމް އެއްވަރު ވެގެންނެވެ.
