ސޮނީ ޓީވީގެ އެންމެ ކާމިޔާބު އެއް ޝޯ "އިންޑިއަން އައިޑަލް" ގެ 13 ވަނަ ސީޒަން ދައްކަން ފަށަން ތައްޔާރުވެއްޖެއެވެ.
ސޮނީ ޓީވީން މިހާރު އަންނަނީ "އިންޑިއަން އައިޑަލް 13″ ގެ ޕްރޮމޯ ދައްކަމުންނެވެ. ނަމަވެސް ޝޯ ފަށާނެ ތާރީހެއް އަދި އިއުލާނެއް ނުކުރެ އެވެ. އެކަމަކު އެ ޝޯ ފަށާނީ "ސުޕަސްޓާ ސިންގާ 2″ ނިންމާލުމަށް ފަހުގައި ކަމަށް ބެލެވެއެވެ.
މިދިޔަ ސީޒަންގައި ޖަޖުންގެ ގޮތުގައި ތިބީ އަނޫ މާލިކާއި ސޯނޫ ކައްކަރު އަދި ހިމޭޝް ރޭޝްމިޔާ އެވެ. އާ ސީޒަންގެ ޖަޖުން އަދި ކަށަވަރުނުވެއެވެ.
View this post on Instagram
"އިންޑިއަން އައިޑަލް" ގެނެސްދޭން ފެށީ 2004 ވަނަ އަހަރުއެވެ. މިދިޔަ އަހަރުގެ އޮގަސްޓް 15 ގައި ނިންމާލި "އިންޑިއަން އައިޑަލް 12″ ކާމިޔާބުކުރީ ޕަވަންދީޕް ރަޖަން އެވެ.
އާ ސީޒަން ވެސް ހޯސްޓްކުރާނީ ސީޒަން 12 ވެސް ހޯސްޓްކުރި އަދިތިޔާ ނާރަޔަން އެވެ. އޭނަ އަކީ "ސުޕަސްޓާ ސިންގާ 2″ ގެ ވެސް ހޯސްޓެވެ.
