ބޮލީވުޑްގެ އެކްޝަން އެކްޓަރ ޖޯން އަބްރަހަމް އޭނާގެ ކުރިއަށް އޮތް ފިލްމު އިއުލާން ކޮށްފިއެވެ.
މި ފިލްމުގެ އެއް ޕްރޮޑިއުސަރަކީވެސް ޖޯންއެވެ. މީގެ އިތުރުން ފިލްމުގެ ލީޑުން ފެނިގެންދާނީ ވެސް ހަމަ އޭނާއެވެ. ފިލްމުގެ ނަމަކީ "ތާރިގް" އެވެ.
މި ފިލްމާއި، ފިލްމުގެ ކާސްޓާ ބެހޭ މާބޮޑު މައުލޫމާތެއް އަދި ހާމައެއް ނުކުރެއެވެ. މިހާރު ޖޯން އަންނަނީ އޭނާގެ ކުރިއަށް އޮތް ފިލްމް "ތެހެރާން"ގެ މަސައްކަތް ކުރަމުންނެވެ.
"ތާރިގް" އަކީ ޖޯންގެ ފިލްމު ކުންފުނި، ޖޭއޭ އެންޓަޓައިންމަންޓާއި ބޭކް މައި ކޭކް ފިލްމްސް ގުޅިގެން ގެނެސްދޭ ފިލްމެކެވެ. ފިލްމުގެ ޑައިރެކްޓަރަކީ ޖޯން މިހާރު ޝޫޓްކުރަމުން އަންނަ އެކްޝަން ތުރިލާ "ތެހެރާން"ގެ ވެސް ޑައިރެކްޓަރު އަރޫން ގޯޕާލަން އެވެ.
View this post on Instagram
މިހާރު ވަނީ ފިލްމުގެ ޕޯސްޓްރު ވެސް ދައްކާލައިފައެވެ. ހަގީގީ ހާދިސާއަކަށް ބިނާކޮށް ހަަދަން ހަމަޖެހިފައިވާ މި ފިލްމު ރިލީޒް ކުރުމަށް ތާވަލް ކޮށްފައިވަނީ އަންނަ އަހަރުގެ އޮގަސްޓް 15އަށެވެ.
