މަލައިކާ އަރޯރާ އާއި އަރުޖުން ކަޕޫރު ލޯބީގެ ގޮތުން ގުޅިގެން އުޅޭތާ މިހާރު ދުވަސްތަކެއް ވެއްޖެއެވެ. އަދި ބައެއް ރިޕޯޓްތައް ބުނާގޮތުގައި އެދެމީހުން އުޅެމުން އަންނީ ވެސް އެއް ގެއެއްގައެވެ.
ނަމަވެސް އަދިވެސް ކައިވެންޏަކާއި ހަމައަށް ގުޅުން ނުދާ ކަމަށާއި، އެހެން ނަމަވެސް އެދެމީހުންގެ ލޯބީގެ ގުޅުން ވަރަށް ސީރިއަސް ކަމަށް އަރުޖުން ކަޕޫރު ބުނެއެވެ.
47 އަހަރުގެ މަލައިކާ އާއި 37 އަހަރުގެ އަރުޖުން ލޯބިގެ ގޮތުން ގުޅުމުން އެމީހުންގެ އުމުރުގެ ފަރަގު ވަރަށް ބޮޑަށް އަޅާކިޔެވެ. އަދި މިވާހަކަތަކަށް ރައްދު ދެމުން އަރުޖުން މީގެ ކުރިން ވަނީ އެއީ އޭނާ އަށް މައްސަލައަކަށް ނުވާކަމަށް ބުނެފައެވެ.
އަރުޖުން އާއި މަލައިކާ ވަރަށް އަވަހަށް ކައިވެނި ކުރަން އުޅޭކަމަށް މީީޑިއާއިން ރިޕޯޓްކުރަމުން އަންނަ އިރު، އަރުޖުން ވަނީ އެކަންކަން ސާފުކޮށްދީފައެވެ. އޭނާ ބުނީ މަލައިކާދެކެ ވަރަށް ލޯބިވާ ކަމަށާއި ނަމަވެސް އަދި ކައިވެނި ކުރަން ނުވިސްނާ ކަމަށެވެ.
މިހާރު ފޯކަސް ހުރީ ވަރުގަދަ ކެރިއަރެއް ބިނާކުރުމަށް ކަމަށާއި ކައިވެންޏަކާ މެދުގައި ވިސްނާނީ އެއަށް ފަހުގައި ކަމަށް އަރުޖުން ބުނެއެވެ.
އަރުޖުން އަކީ މަޝްހޫރު ޕްރޮޑިއުސަރު ބޯނީ ކަޕޫރުގެ ފިރިހެން ދަރިފުޅެވެ. އަލަތު ކައިވެނިން ބޯނީއަށް ދެން ލިބުނީ އަންހެން ކުއްޖެކެވެ. މަޝްހޫރު ބޮލީވުޑްގެ ބަތަލާ ޝްރީދޭވީ އާއި ކުރި ކައިވެނިން ވެސް ބޯނީއަށް ވަނީ ދެކުދިން ލިބިފައެވެ. ދޮށީ ކުއްޖާ ޖާންވީ ކަޕުރޫ މިހާރު ފިލްމު ކުޅެމުން އަންނަ އިރު، ހަގަށް ހުރި ޚުޝީ އަންނަނީ ބޮލީވުޑަށް ތައާރަފް ވުމުގެ މަސައްކަތް ކުރަމުންނެވެ.
ކޮމެންޓު ފޮނުވާ