މާކަމް ބްރޭންޑްގެ ކަންޓްރީ ގްރޭވީ މިކްސްއަކީ އޫރުމަސް އެކުލެވޭ އުފެއްދުމެއްކަން އެނގިފައިވާތީ އެތަކެތި ވިއްކަންހުރި ފިހާރަތަކުން ނަގާފައިވާކަމަށް މޯލްޑިވްސް ކަސްޓަމްސް ސާރވިސްއިން ބުނެފިއެވެ.
ކަސްޓަމްސްއިން ބުނީ، އޫރުމަސް ހިމެނޭ ބާވަތެއް ރާއްޖޭގެ ބާޒާރުގައި ވިއްކަންހުރި މައްސަލަ މޯލްޑިވްސް ފުޑް އެންޑް ޑްރަގް އޮތޯރިޓީގެ ސަމާލުކަމަށް އައުމާއި ގުޅިގެން އެކަން އެސަރވިސްއަށް އަންގާފައިވާކަމަށެވެ.އަދި އެތަކެތި އެތެރެކޮށްފައިވާ ފަރާތުގެ ފިހާރަތަކުގައި ހުރި މި ބާވަތުގެ ޕެކެޓްތައް ނަގައި، ކަސްޓަމްސްގެ ބެލުމުގެ ދަށަށް ގެނެސްފައިވާކަމަށް ކަސްޓަމްސްއިން ބުންޏެވެ.
މި ސަރވިސްގެ ބެލުމުގެ ދަށަށް ގެނެވިފައިވާ ވާހަކަ މައުލޫމާތަށްޓަކައި ދެންނެވީމެވެ. މިތަކެތި އިތުރަށް ވިއްކަން ހުރިކަން ފާހަގަވާނަމަ، އެކަމާއި ގުޅޭ މަޢުލޫމާތު މި ސަރވިސްއާ ހިއްސާކުރުމަށް އިލްތިމާސްކުރަމެވެ.@MariyaDidi @AbdullaSh4reef @MFDA_mv
— Maldives Customs (@CustomsMv) August 11, 2022
ކަސްޓަމްސް އިން ވަނީ އެ ތަކެތި އިތުރަށް ވިއްކަން ހުރިކަން ފާހަގަވާނަމަ، އެކަމާއި ގުޅޭ މަޢުލޫމާތު ހިއްސާކުރުމަށް އިލްތިމާސްކޮށްފައެވެ.
ސޯޝަލް މީޑިއާގައި ދައުރުވަމުންދާ ފޮޓޯއިން ފެންނަ ގޮތުގައި މާކަމް ބްރޭންޑްގެ ކަންޓްރީ ގްރޭވީ މިކްސްގެ އިންގްރީޑިއަންޓުތަކުގެ ތެރޭގައި "ގްރައުންޑް ޕޯކް" އަދި "ޑްރައި ޕޯކް ސްޓޮކް" ހިމެނެއެވެ.
ކޮމެންޓު ފޮނުވާ