ހަނިމާދުގެ މަގުތަކުގައި ތާރު އަޅައިގެން ޒަމާނީ ފެންވަރަށް ތަރައްޤީކުރުމަށް ކުރިއަށްގެންދާ މަޝްރޫޢުގެ މަސައްކަތް އެމްޓީސީސީން ނިންމާލައިފިއެވެ.
2013 ވަނަ އަހަރު ފެށި މި މަޝްރޫޢުގެ މަސައްކަތް 2019 ވަނަ އަހަރު މިމަސައްކަތް އެމްޓީސީސީއާ ހަވާލުވުމުގެ ކުރިން، މި މަސައްކަތް އެކި ކުންފުނިތަކާއި ހަވާލުކޮށްފައިވެއެވެ. ހދ.ހަނިމާދޫއަކީ އުތުރުގެ ރަށްތަކުގެ ތެރެއިން، ކޮންމެ ދުވަހަކުވެސް އެންމެ ގިނަބަޔަކު އަރާ ފައިބާ އެއްރަށެވެ. އެއަރޕޯޓް އޮތުމާއި، އެކިއެކި ޚިދުމަތްތަކުގައި ކޮންމެ ދުވަހަކުވެސް ރަށަށް ގިނަ ބަޔަކު އަރައެވެ.
ހަނިމާދޫ މަގުތަކުގައި ތާރު އެޅުމުގެ މަސައްކަތް އެމްޓީސީސީން ފެށީ މިދިޔަ އަހަރުގެ ޖޫންމަހުއެވެ. މި މަޝްރޫޢުގައި ހަނިމާދޫގެ 20 މަގެއް ވަނީ ތަރައްޤީކޮށްފައެވެ. މި މަޝްރޫޢުގައި ވެހިކަލްތައް ދުއްވުމަށް ޚާއްސަކޮށްގެން 44000 އަކަ މީޓަރުގެ ސަރަޙައްދެއްގައި ތާރުއަޅާ، ހިނގާ މީހުންނަށް 16518 އަކަ މީޓަރުގެ ޕޭވްމަންޓް ވަނީ ހަދާފައެވެ.
ހދ. ހަނިމާދޫ މަގު ހެދުމުގެ މަޝްރޫޢުގެ ދަށުން، މަގުތަކުގައި ތާރު އެޅުމުގެ މަސައްކަތް ނިމިއްޖެ. މިގޮތުން، 46,466 އަކަ މީޓަރުގެ ސަރަޙައްދެއްގައި ތާރު އެޅުމުގެ މަސައްކަތް ވަނީ ކުރެވިފައި.#MTCCProjects #RayyithungeKunfuni pic.twitter.com/hZS1LvGArG
— MTCC Plc (@MTCCPlc) August 3, 2022
އަދި މަގުތަކުގައި ފެންބޮޑުވާ މައްސަލަ ހައްލުކުރުމަށް ސްޓޯމް ވޯޓަރ މެނޭޖްމަންޓް ސިސްޓަމް ޤާއިމުކޮށް، ފެނާއި ނަރުދަމާއާއި، މުވާސަލާތީ ޚިދުމަތްތަކަށް ބޭނުންވާ ކޭބަލް ޖަންކްޝަންތައް ވަނީ ހަދާފައެވެ. އަދި މަގުތަކުގައި ޓްރެފިކް ނިޝާންތައް ކުރެހުމާއި، ހަރުކުރުންވެސް ހިމެނެއެވެ. މި މަޝްރޫޢުަކީ 71 މިލިއަން ރުފިޔާގެ މަޝްރޫޢުއެކެވެ.
