އަންނަ އަހަރުގެ ރިޔާސީ އިންތިޚާބުގައި އިދިކޮޅު ޕީޕީއެމް، ޕީއެންސީގެ ރިޔާސީ ކެނޑިޑޭޓަކީ ރައީސް ޔާމީން ކަމަށާއި، ކައުންސިލުން ރައީސް ޔާމީނަށް ޓިކެޓް ދީފައިވަނީ އަސާސީ ގަވާއިދާއި އެއްގޮތަށް ކަމުގައި ޕީއެންސީގެ ރައީސް އަބްދުއްރަހީމް ވިދާޅުވެއްޖެއެވެ.
އޭނާ މިހެން ވިދާޅުވީ ރައީސް ޔާމީނަށް ރިޔާސީ ޓިކެޓް ދިނުމަށް ޕީޕީއެމް ކައުންސިލުން ނިންމާފައިވަނީ، ޑިމޮކްރަޓިކް އުސޫލުތަކާއި، އަދި ޕީޕީއެމްގެ އަސާސީ ގަވާއިދާއި ޚިލާފަށް ކަމަށް ބައެއް ފަރާތްތަކުން ބުނެ ވާހަކަ ދައްކަމުންދާ ދަނޑިވަޅެއްގައެވެ.
މިކަމާއި ދެކޮޅަށް ވާހަކަ ދައްކާ މީހުންނަށް ރައްދު ދެއްވައި އަދުރޭ ވިދާޅުވީ ޕީޕީއެމްގެ ރިޔާސީ ޓިކެޓް ދޭނެ ގޮތެއް ނިންމާނީ ޕީޕީއެމްއިން ކަމަށެވެ. އެނިންމުން ނިންމާނީ ޕީޕީއެމްގެ އަސާސީ ގަވާއިދާއި އެއްގޮތަށް ކަމަށާއި، ރައީސް ޔާމީނަށް ރިޔާސީ ޓިކެޓް ދޭން ނިންމާފައިވަނީ އަސާސީ ގަވާއިދާއި އެއްގޮތަށް ކަމަށް އަދުރޭ ވިދާޅުވިއެވެ. އަދި މިކަމާއި ބިރު ގަންނަ މީހުން ކިތަންމެ ބިރު ގަތް ކަމުގައި ވީނަމަވެސް މިކަން ބަދަލުވާނެ ގޮތެއް ނެތްކަމަށް އަދުރޭ ވިދާޅުވިއެވެ.
ޕީޕީއެމްގެ ރިޔާސީ ޓިކެޓް ދޭނެ ގޮތެއް ކަނޑައެޅުމުގެ އިޚްތިޔާރު ލިބިގެންވަނީ ޕީޕީއެމްއަށް. އެކަން ކުރާނީ ޕީޕީއެމްގެ އަސާސީ ޤަވާއިދާއި އެއްގޮތަށް. ފާޑުކިޔާ މީހުންނަށް ދަންނަވާލަން އޮތީ ކިތަންމެ ބިރުގަތަސް ރައީސް ޔާމީނަކީ ޕީޕީއެމް ޕީއެންސީގެ ރިޔާސީ ކެނޑިޑޭޓް. އިންތިޚާބު ކާމިޔާބުވެސް ކުރާނެ.
– އަދުރޭ ވިދާޅުވިއެވެ.
ރައީސް ޔާމީން ލީޑުކުރައްވާ ދެ ޕާޓީގެ ރިޔާސީ ޓިކެޓް ގަބޫލު ކުރައްވާކަން އެމަނިކުފާނު ހާމަ ކުރެއްވީ ރޭ ޕީޕީއެމް އާއި ޕީއެންސީ އިން ބޭއްވި ކައުންސިލް ބައްދަލްވުމުގައެވެ. ޕީޕީއެމް އާއި ޕީއެންސީގެ ތަރުޖަމާން ހީނާ ވަލީދު ވިދާޅުވީ 2023 ގެ ރިޔާސީ ޓިކެޓް ރައީސް ޔާމީނަށް އެރުވުމަށް ވަރަަށް އަވަހަށް ހާއްސަ ރަސްމިއްޔާތެއް ބޭއްވުމަށް ނިންމާފައިވާ ކަމަށެވެ.
ޕީޕީއެމްގެ ރިޔާސީ ޓިކެޓް ރައީސް ޔާމީނަށް އަރުވާފައިވާއިރު އެމަނިކުފާނުގެ މައްޗަށް ކުރީން އޮތް ހުކުމް ސުޕްރީމް ކޯޓުން ބާތިލު ކުރުމުން އިންތިހާބުގައި ވާދަކުރުމަށް އޮތް ހުރަސް ވަނީ ނެތިގެން ގޮސްފައެެވެ. ނަމަވެސް އަދިވެސް ދަށު ކޯޓްގައި އެމަނިކުފާނުގެ މައްޗަށް ދެ މައްސަލައެއްގެ ޝަރީއަތް އެބަ ހިނގައެވެ. އެއިން ދައުވާއެއް ސާބިތުވެއްޖެނަމަ އިންތިހާބުގައި ވާދަ ކުރުމުގެ ފުުރުސަތު ގެއްލޭނެ އެވެ. ނަމަވެސް އިދިކޮޅު ދެ ޕާޓީގެ ވެރީން ވަނީ ރައީސް ޔާމީނަށް ރިޔާސީ ރޭހުން ދެން ފުރުސަތު ގެއްލުވާ ނުލެވޭނެ ކަމަށެވެ.
3 Responses
އަދުރޭއަކައް ޕީޕީ އެމްގެ ވާހަކަ ނުދެއްކޭނެ، އެއީ ޕިޕީ އެމް މިހެއްނޫން
2023 ގެ އިންތިހާބުގެ ވޯޓު ކަރުދާހުހަ ބޮޑުވަގު ުާމިނުގެ ނަމެއް ނޯންނާނެ.. 2013 ގަ ވަގައް ވޯޓުލައިގެން އަޔަސް ދެނެއް އެފުރުސަތެއް ވަގުންނަކައް ނެތް..
ކުޑަވެސް ބިރެއް ނުގަނެއެވެ. ދިވެހިނެއް ދެން ދިވެހިންގެ ފައިސާގައި ގަޑުވަރު އަޅާކަށް ފުރުސަތެއް ނުދޭނެއެވެ. އަދި ނުހައްގުން އެތަށް ބަޔަކަށް އަނިޔާދީ ޖަލަށް ލައްވާކަށްވެސް ފުރުސަތެއް ނުދޭނެއެވެ. ފަހަރުގައި އެއަނިޔާގައި އަދުރޭވެސް ނުޖެހޭނެކަމުގެ ގެތެންޓީއެއް ނެތެވެ.