ދިނޭޝް ވިޖަންގެ 'މެޑޮކް ފިލްމްސް’ގެ ކުރިއަށް އޮތް ފިލްމު "ޕޫޖާ މެރި ޖާން"ގެ ރޯލަކަށް ބޮލީވުޑްގެ ދެ ބަތަލާއިން ކަމަށްވާ ހުމާ ގުރައިޝީ އާއި މުރުނާލް ޓާކުރް ސޮއި ކޮށްފިއެވެ.
މިއީ ދިނޭޝް އާއެކުގައި ހުމާ މަސައްކަތް ކުރާ ދެވަނަ ފަހަރެއެވެ. މީގެ ކުރިން ދިނޭޝްގެ "ބަދްލާޕޫރް" ގައި ހުމާ ވަނީ މުހިންމު ރޯލެއް ކުޅެފައިއެވެ.
"ޕޫޖާ މެރި ޖާން" ޑައިރެކްޓް ކުރާނީ ނަވްޖޯތު ގުލާޓީއެވެ. އަދި ކޯ ޑައިރެކްޓަރެގެ ގޮތުގައި ވިޕަޝާ އަރްވިންދު މަސައްކަތް ކުރާނެއެވެ.
ހުމާ ގުރައިޝީ އާއި މުރްނާލް ޓާކުރްގެ އިތުރުން މި ފިލްމުގެ ކާސްޓުގައި ވިކްރަމް ސިންގް، ޗައުހަން އަދި ވިޖޭ ރާޖް ފެނިގެން ދާނެއެވެ.
ބޮލީވުޑްގައި ފައިތިލަ ސާބިތު ކުރުމުގެ މަސައްކަތް ކުރަމުން އަންނަ ހުމާ އަކީ މިހާތަނަށް އަދި މާބޮޑު ކާމިޔާބެއް ހޯދިފައިވާ ތަރިއެއް ނޫނެވެ. އެންމެ ފަހުން އޭނާ ފެނިގެން ދިއައީ "މަހާރާނީ" އިންނެވެ.
ކޮމެންޓު ފޮނުވާ