އޮލިމްޕަސް ސިނަމާ އަންނަ ސެޕްޓެމްބަރު މަހުގެ ތެރޭގައި ހުޅުވޭތޯ މަސައްކަތްކުރަމުން އަންނަ ކަމަށް ނެޝަނަލް ސެންޓަ ފޯ ދި އާޓްސް (އެންސީއޭ) އިން ބުނެފިއެވެ.
އެންސީއޭ އިން މީގެ ކުރިންވެސް ބުނެފައިވަނީ އެތަނުގައި މަރާމާތުގެ ބޮޑެތި މަސައްކަތް ތަކެއް ކުރަމުން އަންނަ ކަމަށާއި، މި ސަބަބާހެދި އޮލިމްޕަސް ހުޅުވުމަށް އަދި ވަގުތު ބޭނުން ވާކަމަށެވެ.
އެންސީއޭ އިން ބުނީ މަސައްކަތްތައް މިހާރު ވަރަށް ބާރަށް ކުރިއަށްދާތީ ސެޕްޓެމްބަރު މަހުގެ ތެރޭގައި އޮލިމްޕަސް ހުޅުވުމުގެ އުންމީދު އެބައޮތް ކަމަށެވެ.
ކޯވިޑް 19ގެ ސަބަބުން ސިނަމާ ބަންދު ކުރި ގޮތަށް އަދި މަހާތަނަށް ނުހުޅުވައެވެ. ސިނަމާ ބަންދު ކުރުމުގެ ކުރިން އެންމެ ފަހުން އެޅުވި ފިލްމް އަކީ އަލީ ސީޒަންގެ "އަނދިރިކަން" އެވެ.
ސިނަމާ ނުހުޅުވި ދިގު ދެމިގެން ދާތީ ފިލްްމު އިންޑަސްޓްރީގެ ގިނަ ބަޔަކުވެސް މިހާރު އަންނަނީ އެ ޝަކުވާ ސޯޝަލް މީޑިއާގައި އެކި ގޮތްގޮތަށް ބަންޑުން ކުރަމުންނެވެ.
