ބޮލިވުޑްގެ ގިނަ ފިލްމު ތަކެއް ރިލިޒް ކުރަން ކަނޑައަޅާފައިވާ ދުވަސް ފަސް ކުރަމުން އަންނަ މި ދަނޑިވަޅުގައި އަނެއްކާ ވެސް އިތުރު ފިލްމެއް ރިލީޒް ކުރުން ފަސް ކޮށްފިއެވެ.
މިފަހަރު ފަސްކޮށްފައި ވަނީ ޖާންވީ ކަޕޫރާއި ރާޖްކުމާރު ރާއޯ ފެނިގެންދާ ފިލްމު "މިސްޓަރު އެންޑް މިސިޒް މާހީ"އެވެ.
މި ފިލްމް ރިލިޒް ކުރުމަށް ތާވަލް ކޮށްފައި އޮތީ މި އަހަރުގެ އޮކްޓޯބަރު މަހުގެ 7 ވަނަ ދުވަހަށެވެ. ނަމަވެސް މިހާރު އެ ފިލްމް ރިލިޒް ކުރުން ވަނި ފަސް ކޮށްފައެވެ. އަދި ފިލްމު ރިލީޒްކުރާނެ އައު ތާރީހު ވަރަށް އަވަހަށް ހާމަ ކުރާނެ ކަމަށް ވަނީ ބުނެފައެވެ. ބޮޑަށް ބެލެވެނީ އަންނަ އަހަރުގެ ކުރީކޮޅުގެ ތާރީހެއް ކަމަށެވެ.
ފިލްމު އަޅުވާ ތާރީހު ލަސްވީ ބައެއް ޝޫޓިންތައް ޝެޑިއުލަށް ވުރެ ލަސްވުމުން ނެވެ.
މިހާރު ގިނަ ފިލްމުތަކެއް ރިލީޒްކުރާ ތާރީހު ފަސްކުރަމުން ދިއުމާއެކު ގިނަ ފިލްމު ތަކެއް މުޑި އެރުން އެކަށީގެން ވެއެވެ.
