އިދިކޮޅު ޕީއެންސީގެ ރައީސް އަބްދުއްރަހީމް އަށް ހޮސްޕިޓަލުގައި އެޑްމިޓްކޮށްގެން ފަރުވާދޭން ފަށައިފިއެވެ.

ޕީއެންސީގެ ނައިބް ރައީސް އިބްރާހިމް ޝުޖާއު ކުރެއްވި ޓުވީޓުގައި ވިދާޅުވީ އެޕާޓީގެ ރައީސް އަބްދުއްރަހީމް ބަލި ވުމަކީ މުޅި އެޕާޓީއަށް ލިބިގެންދާ ބޮޑު ހިތާމައެއް ކަމަށެވެ. އޭނާ ވަނީ އަދުރޭއަށް އަވަސް ޝިފާއެއް މިންވަރު ކުރެއްވުމަށް އެދި ދުޢާކުރައްވާފައެވެ.

އިދިކޮޅު ޕްރޮގްރެސިވް ކޯލިޝަންގައިވެސް އެންމެ އިސްކޮށް ހަރަކާތްތެރިވާ އަބްދުއްރަހީމް ހޮސްޕިޓަލުގައި އެޑްމިޓްކޮށްފައިވަނީ ސީދާ ކޮންކަމާއި ގުޅިގެންކަމެއް ނޭގެއެވެ. އަދުރޭ ވަނީ ވަރަށް ފަހުން ބޭއްވި ޕްރެސްއެއްގައިވެސް ސަރުކާރު ޖަވާބުދާރީކޮށް، އިދިކޮޅު ކުރަމުންދާ މަސައްކަތްތައް ކުޑަކޮށްވެސް ފަހަތަށް ނުޖެއްސޭނެކަމަށް ވިދާޅުވެފައެވެ. އަދި ޕީޕީއެމް ޕީއެންސީން މަސައްކަތް ކުރާނީ ޤައުމާއި ރައްޔިތުންގެ ހައްގުގައި ކަމަށް އޭނާ ވިދާޅުވިއެވެ.

ޕީ.އެން.ސީގެ ރައީސް @Banafsaa ބަލިވުމަކީ އަޅުގަނޑުމެންނަށް ލިބޭ ހިތާމައެއް.މާތްاللهޕީ.އެން.ސީގެ ރައީސް އަބުދުއްރަހީމް އަށް އަވަސް ޝިފާއެއް މިންވަރު ކުރައްވާށި.އާމީން pic.twitter.com/ogFbj8wQZA

— Ibrahim Shujau (@IbrahimShujaau) July 17, 2022

ޕީޕީއެމް ޕީއެންސީ ލީޑު ކުރުމުގައިވެސް އެންމެ އިސްދައުރެއް އަދާކުރައްވާ އަދުރޭ އަކީ ސިޔާސީ ގޮތުން ކުރެވޭ އެކި މަސައްކަތުގައި އިދިކޮޅު ލީޑުކުރައްވާ އެއްބޭފުޅާވެސް މެއެވެ.