ދުނިޔޭގެ އެންމެ މުއްސަނދި މީހުންގެ ތެރޭގައި ހިމެނޭ މައިކްރޯސްފްޓްގެ ބާނީ ބިލް ގޭޓްސް އާއި ސައުތު އިންޑިއާގެ މަޝްހޫރު އެކްޓަރ މަހޭޝް ބާބޫ ބައްދަލުކޮށްފިއެވެ.
މަހޭޝް އާއި އޭނާގެ އަންހެނުން ނަމްރަތާ ޝީރޯދްކަރް، ބިލް ގޭޓްސް އެކުގައި ނަގައިފައިވާ ފޮޓޯއެއް މަހޭޝްވަނީ އޭނާގެ އިންސްޓަގްރާމްގައި ޕޯސްޓް ކޮށްފައެވެ.
މަހޭޝް އާއި އާއިލާ މިވަގުތު އުޅޭނީ ޗުއްޓީއެއްގައި ޔޫއެސްގައެވެ. މަހޭޝްބުނީ ބިލްގޭޓްސްއާ ބައްދަލު ވުމަކީ ލިބުނު އުފަލެއް ކަމަށެވެ.
މަހޭޝް އަންނަނީ އޭނާގެ ޗުއްޓީގެ ދަތުރުތައް އިންސްޓަގްރާމް މެދުވެރިކޮށް ފޭނުންނާއި ހިއްސާކުރަމުންނެވެ.
View this post on Instagram
އެންމެ ފަހުން މަހޭޝް ފެނިގެން ދިޔައީ ކީރްތީ ސުރޭޝް އާއެކު "ސަރްކަރޫ ވާރީ ޕާޓާ" އިންނެވެ. އޭނާ އަންނަނީ ސައުތުގެ ކާމިޔާބު ޑައިރެކްޓަރ އެސް.އެސް ރާޖަމޯލީގެ ފިލްމެއްގެ މަސައްކަތަށް ވެސް ތައްޔާރުވަމުންނެވެ.
