އޯޓީޓީ ޕްލެޓް ފޯމަށް ދުއިސައްތަ ތިންސަތޭކަ ރުޕީސް ދައްކައިގެން ބެލޭވަރަށް ވުރެ އޭނާގެ އަގު ބޮޑުކަމަށް ބޮލީވުޑްގެ އެކްޓަރ ޖޯން އަބްރަހަމް ބުނެފިއެވެ.
ޖޯން ބުނެފައިވާ ގޮތުގައި އޭނާ އަކީ، ބޮޑު ސްކްރީން ތަރިއެކެވެ. މަދު ލާރިކޮޅެއް ދައްކައިގެން ބަލާލެވޭ ވަރަށް ވުރެ އޭނާގެ އަގުބޮޑު ކަމަށާއި އޯޓީޓީ ޕްލެޓްފޯމަކުން ފެނުމަށްވުރެ ގާތީ ނުފެނުން ކަމަށް އޭނާ ވަނީ ބުނެފައެވެ.
"އޭކް ވިލަން ރިޓާން"ގެ މަސައްކަތުގައި ވަރަށް ބިޒީކޮށް އުޅެމުން އަންނަ ޖޯން ބުނެފައިވަނީ އޭނާ ބަލަން ބޭނުން ނަމަ ދާންޖެހޭނީ ސިނަމާއަށް ކަމަށެވެ.
ޖޯން މިހެން ބުނެފައިވާއިރު ބޮލީވުޑްގެ ގިނަތަރިންތަކެއް ސިނަމާގެ އިތުރުން އޯޓީޓީ ޕްލެޓްފޯމް ގައި އަންނަނީ މަސައްކަތް ކުރަމުންނެވެ. އެގޮތުން ބޮލީވުޑްގެ އޭ ލިސްޓްގެ ތަރިންވެސް އޮންލައިން ޕްލެޓްފޯމްތަކަށް މިހާރު ވަނީ މިސްރާބު ޖަހާފައެވެ.
މޯހިތު ސޫރީ ޑައިރެކްޓްކޮށްފައިވާ "އޭކް ވިލަން ރިޓާން" އިން ފެނިގެންދާނި ޖޯން އަބްރަހަމާއި ދިޝާ ޕަޓާނީ އާއި އަރުޖުން ކަޕޫރްގެ އިތުރުން ތާރާ ސުތާރިއާ އެވެ.
