ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހް، ށ. ފުނަދުއާއި ނ. ހޮޅުދުއަށް ވަޑައިގަތުމަށް ހަމަޖެހިއްޖެއެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުޙައްމަދު މަބްރޫކް ޢަޒީޒް ވިދާޅުވީ، ރައީސުލްޖުމްހޫރިއްޔާ މިދެރަށަށް ކުރައްވާ ދަތުރުފުޅުގައި މާދަމާ ފުރާ ވަޑައިގަންނަނާވެކަމަށެވެ. މިމަހުގެ 19 ވަނަ ދުވަހުގެ ނިޔަލަށް ކުރައްވާ މިދަތުރުފުޅަކީ ފުނަދޫ ސްކޫލަށް 50 އަހަރު ފުރުން ފާހަގަ ކުރުމުގެ ގޮތުން ބާއްވާ ޖަލްސާ އަދި މޭނާ ސްކޫލަށް 75 އަހަރު ފުރުން ފާހަގަކުރުމުގެ ގޮތުން ބާއްވާ ޖަލްސާގައި ބައިވެރިވެ ވަޑައިގެންނެވުމަށް ކުރައްވާ ދަތުފުޅެކެވެ.
ރައީސުލްޖުމްހޫރިއްޔާ @ibusolih ޖޫން 17-19 އަށް ށ. ފުނަދުއާއި ނ. ހޮޅުދުއަށް ވަޑައިގަންނަވާނެ. އެމަނިކުފާނު ފުނަދޫ ސްކޫލަށް 50 އަހަރު ފުރުން ފާހަގަ ކުރުމުގެ ގޮތުން ބާއްވާ ޖަލްސާ އަދި މޭނާ ސްކޫލަށް 75 އަހަރު ފުރުން ފާހަގަކުރުމުގެ ގޮތުން ބާއްވާ ޖަލްސާގައި ބައިވެރިވެ ވަޑައިގަންނަވާނެ pic.twitter.com/UWRIWj49fD
— Mabrook Azeez (@MvSpokesperson) June 15, 2022
މިދަތުރުފުޅުގައި އެމަނިކުފާނު މާދަމާ ވަޑައިގެންނެވުމަށް ހަމަޖެހިފައިވަނީ ށ.ފުނަދޫއަށެވެ. އަދި ހޮނިހިރު ދުވަހު ވަޑައިގަތުމަށް ހަމަޖެހިފައިވަނީ ނ.ހޮޅުދޫއަށެވެ.
މިދަތުރުފުޅުގައި އެރަށްތަކުގެ ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކާ ބައްދަލުކުރުމަށް ވަނީ ހަމަޖެހިފައެވެ.
