ރަޝިއާގެ ވެރިރަށް މޮސްކޯގައި، ޔޫކުރެއިން ހަނގުރާމައިގެ ކުރިން ހިންގަމުންއައި، މަޝްހޫރު ފުޑް ޗެއިން މެކްޑޮނަލްޑުން ހިންގަމުން އަައި 15 އައުޓުލެޓެއް އެހެން ނަމެއްގައި، އާ މެނޭޖްމަންޓަކުން މިއަދު ހުޅުވައިފިއެވެ.

ކުރިން މެކްޑޮލްޑުން ހިންގަމުން އައި އައުޓުލެޓްތައް މިއަދު ހުޅުވާފައިވަނީ "ވުސްނޯ އައި ޓޯޗާ" (Vkusno i tochka)ގެ ނަމުގައެވެ. މި ނަމުގެ މާނައަކީ "އަސްގައިވެސް ވަރަށް މީރު" މި މާނައެވެ.

މެކްޑޮނަލްޑްއިން ކުރިން ބުނެފައިވަނީ މޭމަހުން ފެށިގެން އެ އައުޓުލެޓް ރަޝިއާގައި ހިންގުން އެކީ ހުއްޓާލާނެ ކަމަށެވެ. މެކްޑޮނަލްޑްގެ ވިޔަފާރިތައް ރަޝިއާގައި ހުއްޓާލަން ނިންމާފައިވަނީ، ޔޫކުރެއިންއަށް ކުރިމަތިވެފައިވާ އިންސާނި ކާރިސާގެ ސަބަބުންނާއި އަދި ހަނގުރާމައިގެ ސަބަބުން ރަޝިއާގައި ވިޔަފާރި ހިންގުމަށް ކުރިމަތިވެފައިވާ ބޮޑެތި ގޮންޖެހުންތަކުގެ ސަބަބުން ކަމުގައި ބުނެފައި ވެއެވެ.

މެކްޑޮނަލްޑުން ރަޝިއާގައި ވިޔަފާރި ކުރަމުން ދާތާ 30 އަހަރުވަނީ ވެފައެވެ. މެކްޑޮނަލްޑުގެ އެންމެ ފުރަތަމަ އައުޓްލެޓް ރަޝިއާގައި ހުޅުވާފައިވަނީ 1990 ވަނަ އަހަރުއެވެ.

މަޝްހޫރު ފާސްޓު ފުޑް ޗެއިން މެކްޑޮނާލްޑުން ރަޝިއާގައި ހިންގަމުން އައި 850 އައުޓުލެޓް ގަނެފައިވަނީ ރަޝިއާގެ ކުންފުންޏަކުންނެވެ.