ކޮންމެހެން ކުރަންޖެހޭ ބައެއް މަސައްކަތްތަކެއް ކުރުމަށްޓަކާ 11 ޖޫންވާ ހޮނިހިރު ދުވަހު ހެނދުނު މާލޭގެ ހެންވޭރުގެ ބައެއް ސަރަހައްދުތަކުން ކަރަންޓު ކަނޑާލަންޖެހިދާނެ ކަމަށް ސްޓެލްކޯއިން ބުނެވިއެވެ.
ސްޓެލްކޯއިން ކުރި ޓުވީޓެއްގައި ހާމަކޮށްފައިވާ ގޮތުގައި، ހޮނިހިރު ދުވަހުގެ ހެނދުނު 10:00 އިން 11:30 އަށް ކަރަންޓް ކަނޑާލަންޖެހިދާނެ ސަރަހައްދު ތަކަކީ، ހެންވޭރުގެ އަބަދަށް އުފާ މަގާއި އަޝްރަފީ މަގު ހިމެނޭ ސަރަހައްދެވެ.
މި ސަރަހައްދުތަކުން ކަރަންޓު ކަނޑާލަންޖެހި، ދިމާވެދާނެ ދަތިތަކަށް ސްޓެލްކޯއިންވަނީ މާފަށް އެދިފައެވެ.
ދާދިފަހުން ސްޓޭލްކޯއިންވަނީ، މާލެއިން ކަރަންޓު ކެޑެމުންދިޔަ މައްސަލަ ހައްލުކޮށްފައެވެ.
