ޝާހްރުކް ޚާނާއި ކާޖޮލް އަކީ ބޮލީވުޑް އޮން-ސްކްރީން ޖޯޑުތަކުގެ ތެރެއިން އެންމެ ގިނަ ބައެއްގެ ފޭވަރިޓެވެ.
މި ދެތަރިންގެ ކެމިސްޓްރީއަށް ތަޢުރީފު ލިބޭއިރު، ހަގީގީ ދިރިއުޅުމުގައި ވެސް މި ދެމީހުންނަކީ ވަަރަށް ގާތް ދެ ރައްޓެހިންނެވެ. އެ ގުޅުމުގެ ވަރުގަދަކަން އެނގިގެންދަނީ އެކިއެކި އިންޓަވިއުތަކުންނާއި، ހަފްލާތަކުންނެވެ.
އެގޮތުން އެއްފަހަރަކު އިންޓަވިއުއެއްގައި، ކާޖޮލްގެ ފިރިމީހާ އަޖޭ ދޭވްގަން އާއި ޝާހްރުކް ޚާނާ ދެމެދު އެކުވެރިކަން އޮވޭތޯ ސުވާލުކުރުމުން ޝާހްރުކް ވަނީ ވަރަށް ފުރިހަމަ ޖަވާބެއް ދީފައެވެ. އޭނާ ބުނީ، އަޖޭއަކީ ވެސް އެކުވެރިއެއް ކަމަށާއި، ކާޖޮލް އާއި ޝާހުގެ ގުޅުން އޭނާއަށް ވަރަށް ރަނގަޅަށް އެނގޭނެ ކަމަށެވެ. އަދި އެ ގުޅުމަށް އަޖޭ އިހުތިރާމް ކުރާކަމަށް ޝާހު ވަނީ ބުނެފައެވެ.
"ރޭގަނޑު ދަންވަރު ކަމެއް ދިމާވިޔަސް އަހަރެން އަޖޭއަށް ގުޅާފަ ބުނަން ކާޖޮލް އާ މަޝްވަރާއެއް ކޮށްލަން ބޭނުމޭ، އޭނަ ގެނެސްދީފާނަންހޭ. ހަމަ ބުނާއިރަށް އަޖޭ އަންނާނެ ކާރުގަ ކާޖޮލް ގޮވައިގެން އަހަރެމެން ގެއަށް"
– ޝާހްރުކް ކިޔައިދިނެވެ.
މީގެ އިތުރުން ޝާހު ބުނީ، ކާޖޮލްގެ ބައްޕަ މަރުވި ޚަބަރު ދޭން އަޖޭ އެންމެ ފުރަތަމަ ގުޅީ ވެސް އޭނާއަށް ކަމަށެވެ. އަދި ކާޖޮލްއަށް ހިތްވަރުދޭން އައުމަށް އޭނާ ކައިރިން އެދުނު ކަމަށް ބުންޏެވެ.
މި ހުރިހާ ކަމަކަުން އެނގިގެންދަނީ، ފިލްމު "ކުޗްކުޗް ހޯތާހޭ" ގައި ފެނުނު ފަދަ ވަރުގަދަ އެކުވެރިކަމެއް ހަގީގީ ދިރިއުޅުމުގައި ވެސް ޝާހްރުކާއި ކާޖޮލްގެ މެދުގައި އޮންނަ ކަމެވެ.
