ބޮޑު މަގުބޫލު ކަމެއް ހޯދަމުން އަންނަ ޑްރާމާ ސިލްސިލާ "ކުނޑަލީ ބާގިޔާ"ގެ ލީޑު އެކްޓަރުގެ ގޮތުގައި ފެނިގެންދާ ދީރަޖް ދޫޕަރު އެ ޝޯ ދޫކޮށްލަން ނިންމައިފިއެވެ.
މި ޑްރާމާ އަކީ، އަދި ހާއްސަކޮށް ދީރަޖް އެ ޑްރާމާގައި ކުޅެމުން އަންނަ ކެރެކްޓާ، ކަރަން އަކީ ގިނަ ބަޔަކަށް ވަރަށް ކަމުދާ ބޮޑު މަޝްހޫރު ކަމެއް ލިބިފައިވާ ކެރެކްޓާއެކެވެ.
މި ޑްރާމާ ދޫކޮށްލަން ދީރަޖް ނިންމީ އޭނާއަށް ދަރިއަކު ލިބެން އުޅޭތީ ކަމަށް ޚަބަރުތައް ބުނެއެވެ. ދީރަޖްގެ އަންހެނުން ބަނޑުބޮޑުކަން މިދިއަ އަހަރު އިއުލާން ކޮށްފައިވާ އިރު މިއީ އެމީހުންގެ އަލަތު ދަރިފުޅެވެ.
ދަރިފުޅާއި އާއިލާއަށް ވަގުތު ދިނުމަށް ޑްރާމާއިން އޭނާ ވަކިވި ކަމުގައި ވިޔަސް ކަންތައްތައް ހަމައަކަށް އެޅުމުން އަނެއްވެސް ޓީވީ ސްކްރީނަށް އެބުރި އަންނާނެކަމަށް ދީރަޖް ވަނީ ބުނެފައެވެ.
މި ރޯލު ދީރަޖް ދޫކޮށްލުން ދެން ފެނިގެންދާނީ "މޭރީ އާޝިގީ ތުމްސޭ ހީ"ގެ ލީޑުން ފެނިގެންދިއަ ޝަކްތީ އަރޯރާއެވެ.
ޝަކްތީ އެންމެ ފަހުން ފެނުނީ 2019 ވަނަ އަހަރު ނިންމާލާފައިވާ "ސިލްސިލާ ބަދަލްތޭ ރިޝްތޯން ކާ" އިންނެވެ.
