މޫނުގެ ހަންގަނޑު ސާފުކޮށް ރީތިކުރުމަށްޓަކއި ވަރަށް ގިނަ ތަޖުރިބާތަށް ކުރެވެއެވެ. އެކަމަކުވެސް ގިނަ ކަންތަށްތަކަކުން ފައިދާއެއް ނުވެ ބޭކާރުވާތީ ހިތްނުތަނަވަސްވާގޮތްވެއެވެ.
މިއަދު މިކިޔާދެނީ ބޮލީވުޑުގެ ގިނަ އެކްޓަރެސްއިން ރެޑް ކާޕެޓަށް ދިއުމުގެ ކުރިން ބޭނުންކުރާ ހާއްސަ ދެ ކިއުބެއްގެ ވާހަކައެވެ. މިއީ ގެގައި ހަދާލަން ފަސޭހަ ފައިދާ ފެންނާނެ އެއްޗަކަށް ވެގެންދާނެއެވެ.
ކޮފީ ކިއުބް:
ހަދާނެގޮތް:
– އެއް ޖޯޑުފެނަށް ދެ މޭޒުމަތީ ސަމްސާ ކޮފީއަޅާ ރަގަނޅަށް ގިރާލާށެވެ.
– އަދި އާއްމުކޮށް ބޭނުންކުރާ އެސެންޝިއަލް އޮއިލް ކޮޅެއް އަޅާލުމަށްފަހު އެއްކޮށްލާށެވެ.
– އައިސް ޓްރޭއަށް އަޅާލާފައި އައިސްއަލަމާރީގެ ގަނޑުކުރާ ބަޔަށްލާށެވެ.
-ރަގަނޅަށް ގަޑުވުމުން މަސާޖުކުރާ ގޮތަށް މަޑު މަޑުން މޫނުގައި އުގުޅާށެވެ.
ފައިދާ
މީގެ ސަބަބުން މޫނުގެ މަސްގަނޑުގައި ލޭދައުރުވުން ރަގަނޅުކޮއްދީ އުމުރުން ދުވަސްވުމުން ހަންގަޑަށް ދިމާވާ ގިނަ މައްސަލަތަށް ހައްލުކޮއްދެއެވެ.
ރީދޫ ކިއުބް
ހަދާނެގޮތް:
– ބައިޖޯޑުފެން އަދި ބައިޖޯޑު ރޯކިރުގެ ތެރެއަށް ރީދޫ ސަމްސަލެއް އަޅާ ރަނގަޅަށް އެއްކޮއްލާށެވެ.
– އޭގެތެރެއަށް އަދި އާއްމުކޮށް ބޭނުންކުރާ އެސެންޝިއަލް އޮއިލް ކޮޅެއް އަޅާލުމަށްފަހު އެއްކޮށްލާށެވެ. މޫނުގެ ހަންގަޑު ހިކިފައި ހުންނަކަން ފާހަގަވާނަމަ އެއްސަމްސާ މާމުއި އިތުރުކޮއްލުން ބުއްދިވެރިއެވެ.
– އައިސް ޓްރޭއަށް އަޅާލާފައި އައިސްއަލަމާރީގެ ގަނޑުކުރާ ބަޔަށްލާށެވެ.
-ރަގަނޅަށް ގަނޑުވުމުން މަސާޖުކުރާ ގޮތަށް މަޑު މަޑުން މޫނުގައި އުގުޅާށެވެ.
ފައިދާ
މީގެ ސަބަބުން ހަންގަނޑުގެ ކުލަ އަލިވެ ބެކްޓީރިއާތަށް ނައްތާލައެވެ. އަދި މިއީ މޫނުގައި ނަގާ އޮށާޅައަށްވެސް ރަގަނޅު ހައްލަކަށްވެއެވެ. މި ކިއުބުގައި ބޭނުންކުރެވޭ މާމުއާއި ކިރުގެ ސަބަބުން ހަންގަނޑަށް އުޖާލާކަމާއި ތެތްކަން ގެނެސްދެއެވެ.
ގޮތްބަލާލުމުގެ ގޮތުން މި ތަޖުރިބާ ކޮއްލާށެވެ. ފަހަރުގައި ތިބާގެ ހަންގަނޑަށް އުޖާލާކަން ގެނުވާނެ އެއްޗަކީ މިއީކަމަށް ވެދާނެއެވެ.
