ކުރީގެ އިސްލާމިކް މިނިސްޓަރ އަދި އިސްލާމީ ޔުނިވާސިޓީގެ ކުރީގެ ޗާންސެލަރ ޑރ.މުޙައްމަދު ޝަހީމް ޢަލީ ސަޢީދާއި، އެމްޑީޕީގެ ކުރީގެ ޗެއަރޕާސަން އަދި މަޖިލީހުގެ ކުރީގެ ނާއިބު ރައީސް މޫސާ މަނިކު ބަހުގެ ހޫނު ހަމަލާތަކެއް ރައްދުކޮށްފިއެވެ.

ޓްވިޓާގައި ދެބޭފުޅުންގެ ވާހަކަތައް ހޫނުވީ، މާލެއިން ކަރަންޓު ކެނޑުނު މައްސަލާގައި ސްޓެލްކޯގެ މެނޭޖިންގ ޑިރެކްޓަރ އަޙްމަދު ޝަރީފަށް ނިސްބަތްކުރައްވާ ވިދާޅުވި ވާހަކަފުޅަކަށް މޫސާ މަނިކު ރައްދު ދެއްވުމުންނެވެ.

ސްޓެލްކޯގެ މެނޭޖިންގ ޑިރެކްޓަރ އަޙްމަދު ޝަރީފަށް އަމާޒުކުރައްވާ ޑރ.ޝަހީމް ވިދާޅުވީ، ސްޓެލްކޯ ރަނގަޅުވާނީ ވޮޓުގެ ކަންކަން ބެލެހެއްޓުންކަމަށާއި، އިލެކްޝަންސް ކޮމިޝަންގެ ކުރީގެ ބާއިބު ރައީސް އަޙްމަދު އަކްރަމްވެސް މިވަގުތު ސްޓެލްކޯގައި މިހާރު މަސައްކަތް ކުރައްވަމުން ގެންދަވާކަމަށެވެ. މިޒާޖީ ގޮތެއްގައި ޑރ.ޝަހީމް ވިދާޅުވީ އީސީގެ މިހާރުގެ ރައީސް ފުއާދު ތައުފީގަށް ކަރަންޓުގެ ކަންކަން ހަވާލުކުރުން ރަނގަޅުވާނެކަމަށެވެ.

Beyfulhaa @ShareefRangondi ????. Stelco dhen rangalhuvaanee Vote ge kankan balahatan. Akuram ves eba ulheyviyyaa!! Fuaadhu ah karantu kankan havaalu kollan veenu. ????????. pic.twitter.com/Lz4TPkZiMn

— Mohamed Shaheem Ali Saeed (@Mohamedshaheem1) May 24, 2022

ޑރ.ޝަހީމްގެ އެވާހަކަތަަކށް ރައްދު ދެއްވާ މަޖިލީހުގެ ކުރީގެ ނާއިބު ރައީސް އަދި ރައީސް ޞާލިޙައި މިހާރު ގާތް ގުޅުމެއް އޮންނަ މޫސާ މަނިކު ވަނީ ދަންނަ ބޭކަލުންނަށްވެސް މަލާމާތް ކުރުމާއި ފުރައްސާރަކުރުން ހުއްދަވެގެންވާ ހާލަތްތަކެއް އާދޭތޯ ސުވާލުކުރައްވާފައެވެ.

މޫސާ މަނިކުގެ އެ ވާހަކަތަކަށް ރައްދު ދެއްވާ ޑރ.ޝަހީމް ވިދާޅުވީ މުސަހާ ގިނައިން ފުރައްސާރަކުރާ އަދި ޒާތީގޮތުން މީހުންނަށް ޖެހިގެން އުޅޭ މީހެއް ޝަހީމްގެ ހަޔާތްޕުޅުގައި އަދި ފެނިވަޑައިގެންފައިނުވާކަމަސެވެ. ރައީސް ނަޝީދާއި ދިމާލަށް ކޮންމެ ދުވަހަކުހެން ކިޔާ އެއްޗެހިން މޫސައަކީ ކާކުކަން ވަރަށް ސާފުކަމަށާއި، މޫސަ ބޮޑުވީ ޖަދަލުޒުވާނު ކުރާ މާހައުލެއްގަ ބާއޭ ހިތަށް އަރާކަމަށް ޑރ.ޝަހީމް ވިދާޅުވިއެވެ.

Moosa haa ginain furasaara kuraa adhi zaathee gothun meehunaa jehigen ulhey meeheh alhugandu hayaathuga nudheken. RN aa dhimaalah komme dhuvahakuhen kiyaa ehchehin thee kaakulan engen v saafu. Thibeyfulhaa boduvee jadhaluzuvaabu kuraa maahauley ga baa ey hithah araa @ReekoMoosa https://t.co/CS3s679vdK

— Mohamed Shaheem Ali Saeed (@Mohamedshaheem1) May 24, 2022

ކުރީގެ ސަރުކާރުގައި މޫސާ މަނިކު ވަނީ ޕީޕީއެމްއަށް ސޮއިކުރައްވާފައެވެ. ނަމަވެސް ވެރިކަން ބަދަލުވުމާއެކު ޕީޕީއެމްއިން ވަކިވެ މިހާރު އުޅުއްވަނީ ރައީސް ޞާލިޙައި ވަރަށް އަރިސްބޭފުޅޭއްގެ ގޮތުގައެވެ.

ޑރ.ޝަހީމް ސްޓެލްކޯގެ މެނޭޖިންގ ޑިރެކްޓަޓަރ ޝަރީފަށް ފާޑުވިދާލުވެ މިޒާޖީ ގޮތެއްގައި ވާހަކަފުޅު ދައްކަވާފައިމިވަނީ 2018ގެ ރިޔާސީ އިންތިޚާބު އޮޅުވާލިކަމުގެ ތުހުމަތު އިދިކޮޅުން ޝަރީފަށް ކުރަމުން ގެންދަވަނިކޮށް މިސަރުކާރުގައި އީސީގެ ރައީސްކަމުން އިސްތިއުފާދެއްވާ ސްޓެލްކީގެ އެމްޑީކަމަށް ވަޑައިގަތުމުންނެވެ. ޑރ.ޝަހީމް އަކީ 2018ގައި ރައީސް ޔާމީންގެ ރަނިންގމޭޓެވެ.