އެފް.އޭ.އެމް ނޭޝަނަލް ބޯލް ކިޑްސް ޕްރޮގްރާމް ސީސަން 2021/22 ގައި މަތިވެރި އެސޯސިއޭޝަން ފޮރ ރެކްރިއޭޝަން އެން ސްޕޯރޓްސް (މާރންސް) ސްޕޯރޓްސް އެކަޑެމީގެ ފަރާތުން ބައިވެރިވެއްޖެއެވެ.
މިފުރުޞަތަކީ ހުޅުމާލެ އެޑްވެންޗަރސް ޓީމުން ދީފައިވާ 2 ޖާގައެވެ. މާރންސް ސްޕޯރޓްސް އެކަޑެމީގެ ފަރާތުން މިދެޖާއަށް ފޮނުވީ ކީޕަރގެ މަޤާމަށް ކުޅޭ އއ.މަތިވެރި ނަސީމީ މަންޒިލް، މުޙައްމަދު އާރިން އާދަމް އާއި ޕްލޭއަރ އއ.މަތިވެރި އާޒާދުގެ ލުޤުމާން ބިން މުޙައްމަދުއެވެ.
މާރންސް ސްޕޯރޓްސް އެކަޑެމީގެ ފަރާތުން މަޢުލޫމާތު ދެއްވަމުން އެޖަމިއްޔާގެ ނައިބު ރައީސް އާދަމް ނިޔާޒު ބުނެފައިވަނީ މިގޮތަށް ލިބޭ ކޮންމެ ފުރުޞަތެއް އެކަޑެމީގެ ކުޅުންތެރިންނަށް ފަހިކޮށްދޭނެކަމަށެވެ. މި ފުރުޞަތު ދެއްވި ކަމަށްޓަކައި ހުޅުމާލެ އެޑްވެންޗަރސް އެކަޑެމީއަށް ޝުކުރުއަދާކުރާ ކަމަށާއި، ކުރިޔަށް އޮތްތަނުގައި ހުޅުމާލެ އެޑްވެންޗަރސް އެކަޑެމީއާއި ގުޅިގެން އިތުރު ޙަރަކާތްތައް ކުރިޔަށް ގެންދިޔުމުގެ މަސައްކަތް ކުރާނެކަމަށް އޭނާ ވަނީ ބުނެފައެވެ.
މާރންސް ސްޕޯރޓްސް އެކަޑެމީގެ އެންމެ ބޮޑު އެއް ޢަމާޒު ކަމުގައިވާ ކުޅުންތެރިންނަށް މަތީ ފަންތީގައި ކުޅުމުގެ ފުރުޞަތު ހޯދައި ދިނުމެވެ. މިއީ މިމަސައްކަތުގެ ފުރަތަމަ މަރުހަލާ ކަމަށާއި، އަދިވެސް މިގޮތައް އިތުރު ފުޞަތު ހޯދުމަށް މަސައްކަތް ކުރާނެ ކަމަށް ނިޔާޒު ބުނެފައިވެއެވެ.
މާރންސް ސްޕޯރޓްސް އެކަޑެމީއަކީ 19 ފެބުރުވަރީ 2022 ގައި އިފްތިތާޙްވެގެން ދިޔަ އެކަޑެމީ އެކެވެ. ކުރު މުއްދަތެއްގެ ތެރޭގައި އެކަޑެމީގެ ގިނަ ހަރަކާތްތަކެއް ހިންގުމުގައި މާރންސް ޖަމިއްޔާއިން ދަނީ ބުރަ މަސައްކަތްތަކެއް ކުރަމުންކަން ފާހަގަ ކުރެވެއެވެ.
