މި މަހުގެ 20 ވަނަ ދުވަހު ރިލީޒް ކުރުމަށް ތައްޔާރު ވަމުން އަންނަ، ކަންގަނާ ރަނާވަތުގެ އުންމީދީ ފިލްމު "ދާކަޑް"ގެ ދެވަނަ ޓްރެއިލާއެއް ދައްކާލައިފިއެވެ.
ކަންގަނާ ތަފާޓު 7 ލުކެއްގައި ފެނިގެންދާ މި ފިލްމުގައި އޭނާ ކުޅެފައިވަނީ އޭޖެންޓެއްގެ ރޯލެވެ.
ޓްރެއިލާ އާއެކު ކަންގަނާއަށް އަންނަނީ ތައުރީފް އޮހެމުންނެވެ. މިއީ އާންމުކޮށް ބޮލީވުޑްގެ ބަތަލާއިން ނުކުޅޭ ވަރުގެ ވަރުގަދަ އެކްޝަން ރޯލެވެ.
ކަންގަނާ މާކުރިންސުރެ މި ފިލްމު ތަފާތުވާނެ ކަމުގެ ވާހަކަތައް އަންނަނީ ދައްކަމުނެވެ. މީގެ ކުރިން 4 ފަހަރަށް ނޭޝަނަލް އެވޯޑް ހޯދާފައިވާ ބަތަލާގެ މި ފިލްމަކީ ހިންދީ ސިނަމާއަށް އަންނާނެ އެންމެ ވަރުގަދަ އެކްޝަން ފިލްމުކަމާ ދޭތެރޭ ޝައްކެއް ނެތެވެ.
ރަޒްނީޝް (ރާޒީ) ގާއި ލިޔެ، ޑައިރެކްޓްކޮށްފައިވާ އެކްޝަން ތުރިލާގައި މުހިންމު ރޯލަކުން އަރުޖުން ރާމްޕާލާއި ދިވްޔާ ދައްތާގެ އިތުރުން ސަސްވަތާ ޗެޓަޖީ އަދި ޝާރިބް ހާޝްމީ ހިމެނެއެވެ.
