ދިވެހިން ގައުމަށްޓަކާ ފަޚުރުވެރިވަނީ އެފަދަ ދެވަނައެއް ނެތްފަދައިން ކަމަށާއި، ދިވެި ކާބަފައިންނަކީ، އެމީހުންނަށްވުރެ މާ ވަރުގަދަ ލަޝްކަރުތަކާއި އެތައް ފަހަރެއްގެ މަތިން ހަނގުރާމަ ކޮށްފައިވާ ބައެއް ކަމުގައި، ކުރީގެ ރައީސުލްޖުމްރިއްޔާ އަބުދުﷲ ޔާމިން އަބުދުލް ގައްޔޫމު ވިދާޅު ވެއްޖެއެވެ.
މިރޭ ކުރެއްވި ޓުވީޓެއްގައި ރައީސް ޔާމިން ވިދާޅުވެފައިވަނީ، ދިވެހި ގައުމީ ދިދަ، ފެއްސާއި ރަތާއި ހުދުގެ ހިމާޔަތުގައި ކުރާ ހަނގުރާމައަށްވުރެ ވަކީން މަތިވެރި ހަނގުރާމައެއް ނެތްކަމަށާއި، ދިވެހި ގައުމީ ދިދައިގެ އެންމެ ފަހު ނޭވައަށް ދާންދެންވެސް ހިމާޔަތް ކުރަން ޖެހޭނެ ކަމުގައެވެ.
"ދިވެހިން ގައުމަށްޓަކާ ފަޚުރުވެރިވަނީ އެފަދަ ދެވަނައެއް ނެތް ފަދައިން، އަހަރެމެންގެ ކާބަފައިން ވަނީ އެމީހުންނަށްވުރެ އެތައް ގުނައެއް ބާރުގަދަ ލަޝްކަރުތަކާއި ހަނގުރާމަ ކޮށްފަ. ދިވެހި ގައުމީ ދިދަ، ފެއްސާއި ރަތާއި ހުދުގެ ހިމާޔަތުގައި ކުރާ ހަނގުރާމައަށްވުރެ ވަކީން މަތިވެރި ހަނގުރާމައެއް ނެތް. ދިވެހި ދިދަ އެންމެ ފަހު ނޭވައަށް ދާންދެންވެސް ހިމާޔަތް ކުރަން ޖެހޭނެ.
ރައީސް ޔާމިން ކުރެއްވި ޓުވީޓުގައި ވިދާޅުވެފައިވެއެވެ.
Glorious in de pride we have 4 our nation, our forefathers fought armies multiple times https://t.co/k7Vu19X7RC fight is more glorious than de fight 4 de flag of red, white & green.We shall guard our flag until death do us apart.
— Abdulla Yameen (@prz_ymn) May 13, 2022
ރައީސް ޔާމިން އަލަށް ޓުވިޓަރ ބޭނުން ކުރައްވާފައިވަނީ މިމަހުގެ 4 ވަނަ ދުވަހުއެވެ. އަދި އެއަށްފަހު މުޅިންވެސް ޓުވީޓު ކުރައްވަމުން ގެންދަވަނީ އިނގިރޭސި ބަހުންނެވެ. އަދި ޓުވިޓައަކީ ދިވެހިބަނުންވެސް ޓުވީޓޫ ކުރެވޭ ސޯޝަލް މީޑިއާ ޕްލެޓްފޯމަށް ވާއިރު، ދިވެހި ބަހުން ޓުވީޓު ނުކުރައްވާތީ ރައީސް ޔާމިންއަށް ގިނަ ބައެއް ފާޑުކިއުންވެސް ވަނީ އަމާޒުވެފައެވެ.
ބައެއް ފަރާތްތަކުން ފާހަގަ ކޮށްފައިވަ ގޮތުގައި، ގައުމީ ލޯބި ފާޅުކޮށް، އަބަދު ވަތަނީ ލޯބި ރަމްޒުވާގޮތަށް ރައީސް ޔާމިން ޓުވީޓު ކުރައްވާއިރު ދިވެހިބަހުން ޓުވީޓު ނުކުރެއްވުމަކީ ދެކޮޅު ޖެހޭކަމެއް ނޫންކަމުގައެވެ.
އެހެންނަމަވެސް، ހަމައެކަނި އިނގިރޭސިބަހުން ރައީސް ޔާމިން ޓުވީޓު ކުރައްވަމުން ގެންދަވާ ސަބަބެއް އެމަނިކްފާނުވެސް އަދި ޕީޕީއެމްއިންވެސް ހާމަކޮށްފައެއް ނުވެއެވެ.
