ބޮލީވުޑް އިންޑަސްޓްރީއަށް އޭނާ އެފޯޑް ވެސް ނުކުރެވޭނެ ކަމަށް ސައުތުގެ މަޝްހޫރު އެކްޓަރު މަހޭޝް ބާބޫ ބުނެފިއެވެ.
އޭނާގެ ކުރިއަށްއޮތް ފިލްމު "މޭޖާ"ގެ ޓްރެއިލާ ލޯންޗްކުރަން ބޭއްވި ހަފްލާގައި ނޫސްވެރިން ކުރި ސުވާލަކަށް ޖަވާބު ދެމުން މަހޭޝް ބުނީ ބޮލީވުޑް ފިލްމުތަކަށް އެއްވެސް ވަރަކަށް ޝައުގުވެރި ކަމެއް ނެތް ކަމަށެވެ. އަދި އޯޓީޓީ ޕްލެޓް ފޯމަށް ވެސް އެއްވެސް ޝައުގެއް ނެތް ކަމަށް އޭނާ ވަނީ ބުނެފައެވެ.
މަހޭޝް އަކީ ސައުތު އިންޑަސްޓްރީގައި އެންމެ ޑިމާންޑް ބޮޑު އެއް އެކްޓަރެވެ. ސައުތުގެ ބައެއް އެކްޓަރުންނާއި ހިލާފަށް މީގެ ކުރިންވެސް އޭނާ ވަނީ ބޮލީވުޑަށް އެއްވެސް ޝައުގެއް ނެތް ކަމަށާއި އަދި ބޮލީވުޑުގެ އެއްވެސް ފިލްމެއް ނުކުޅޭނެ ކަމަށް ތަކުރާރުކޮށް ބުނެފައެވެ.
46، އަހަރުގެ އެކްޓަރ ބުނީ ބޮލީވުޑަށް ދާން ބޭނުން ނުވާ ކަމަށާއި، ބޮލީވުޑަށް އޭނާ އެފޯޑް ނުކުރެވޭނެ ކަމަށެވެ. އަދި އޭނާގެ ހުވަފެންތައް ހަގީގަތަކަށް ހަދައިދިން ތަނަނީ ސައުތުގެ ފިލްމު އިންޑަސްޓްރީ ކަމަށާއި ޓޮޮލީވުޑް ދޫކޮށް ނުލާނެ ކަމަށް އޭނާ ވަނީ ބުނެފައިއެވެ.
އަނެއް ކޮޅުން ބޮލީވުޑްގެ ފިލްމު ތަކަށް ވުރެ ސައުތުގެ ފިލްމު ތަކަށް މިހާރު ލިބޭ ތަރުހީބު އެތައް ގުނަ އެއް ވަނީ އިތުރުވެފައެވެ. އެކަމުގެ ހެއްކަކީ މި އަހަރުގެ މިހާތަނަށް ބޮކްސް އޮފީހުގައި އެންމެ ކުރީގައި އުޅޭ ފިލްމުތަށް ނިސްބަތް ވަނީ ސައުތަށް ކަމަށް ވުމެވެ.
މަހޭޝް އަކީ ކުރީގެ ބޮލީވުޑް އެކްޓަރެސް ނަމްރަތާ ޝިރޯދްކަތުގެ ފިރިމީހާއެވެ. ނަމަވެސް ކައިވެންޔަށް ފަހު ނަމްރަތާ ވަނީ ފިލްމު ކުޅުން ހުއްޓާލައިފައިއެވެ. އެދެމީހުންނަށް ވަނީ އަންހެން އަދި ފިރިހެން ކުއްޖަކުވެސް ލިބިފައިއެވެ.
