އެމްޑީޕީގެ ޗެއަރޕާސަންކަމަށް އިކޮނޮމިކް މިނިސްޓަރ ފައްޔާޟް އިސްމާޢީލް ހޮވުމަކީ، ފާޓީގެ ސިޔާސަތުތައް ހިންގުމަށްޓަކައި ކޮންމެހެން ކުރަންޖެހޭ ކަމެއްކަމަށް ޕްލޭނިން މިނިސްޓްރީގެ ސްޓޭޓް މިނިސްތަރ އަކްރަމް ކަމާލުއްދީން ވިދާޅުވެއްޖެއެވެ.
އަންނަ ހޮނިހިރު ދުވަހު ބާއްވާ ޗެއަރޕާސަން އިންތިޚާބުގައި ފައްޔާޒާއި ވާދަކުރައްވަނީ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީއެވެ. ވާދަވެރިކަން ބޮޑުވެފައިވާ އިންތިޚާބާއި ގުޅޭގޮތުން އަކްރަމް ވިދާޅުވީ، އެމް.ޑީ.ޕީގެ ޗެއަރޕާރސަން ގެ މަގާމަށް ފައްޔާޒް ހޮވުމަކީ، ޕާޓީގެ ކަންތައްތައް ހަރުދަނާ ގޮތެއްގައި ހިންގުމަށާއި ޕާޓީ އާއި ސަރުކާރާ އޮންނަގުޅުން ވަރަގަދަކޮށް ފާޓީގެ ސިޔާސަތުތައް ހިންގުމަށްޓަކައި ކޮންމެހެން ކުރަންޖެހޭ ކަމެއްކަމަށެވެ.
އެމް.ޑީ.ޕީ ގެ ޗެއަރޕާރސަން ގެ މަގާމަށް ފަޔާ ހޮވުމަކީ، ޕާޓީގެ ކަންތައްތައް ހަރުދަނާ ގޮތެއްގައި ހިންގުމަށާއި ޕާޓީ އާއި ސަރުކާރާ އޮންނަގުޅުން ވަރަގަދަކޮށް ފާޓީގެ ސިޔާސަތުތައް ހިންގުމަށްޓަކައި ކޮންމެހެން ކުރަންޖެހޭ ކަމެއް. އަޅުގަނޑު ގެ ވޯޓު ފަޔާ @faya_i އަށް! pic.twitter.com/OfOsdCg5A3
— Akram Kamaludeen (@Akramkdeen) May 9, 2022
އެމްޑީޕީގެ ޗެއާޕާސަން އިންތިޚާބުގައި ދެކެނޑިޑޭޓުންވެސް އެންމެ ބޮޑަށް އިސްކަންދެނީ އާންމު މެމްބަރުންނާއި ބައްދަލު ކުރުމަށެެވެ. އެގޮތުން ރަށްރަށަށް ގޮސް އާންމު މެމްބަރުންނާއި ބައްދަލުކޮށް ވޯޓު ހޯދުމަށް ގިނަ މަސައްކަތްތަކެއް ދަނީ ކުރަމުންނެވެ.
ދެކެނޑިޑޭޓުންގެވެސް އަޒުމަކީ އިންތިޚާބުގެ ވޯޓުލުމުގެ ކުރިން ރާއްޖޭގެ ހުރިިހާ ރަށެއްގައި ތިބި އެމްޑީޕީގެ އާންމު މެމްބަރުންނާއި ހަމައަށް ގޮސް ކެމްޕެއިން ކުރުމެވެ. މިޓާގެޓަށް ވާސިލްވުމަށް ކުުރިއަށް އޮތީ މަދު ދުވަސްތަކަކަށް ވުމުން ދަތުރުތައް އިތުރަށް ބާރުބޮޑުވެގެންދާނެ ކަމަށް ބެލެވެއެވެ.
އަންނަ ހޮނިހިރު ދުވަހު ބާއްވާ މި އިންތިޚާބަކީ ހުރިހާ ގޮތަކުންވެސް ވާދަވެރި އަދި ފޯރިގަދަވާނެ އިންތިޚާބެއްކަމަށް ބެލެވެއެވެ
