އެމްޑީޕީގެ ޗެއަރޕާސަންކަމަށް އެންމެ ރަނގަޅު ކެނޑިޑޭޓަކީ އިކޮނޮމިކް މިނިސްޓަރ ފައްޔާޒް އިސްމާޢީލްކަމަށާއި، ދެން ވާދަކުރައްވާ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީއަށް ޕޓީ ނުހިންގޭނެކަމަށް ހެންވޭރު ދެކުނު ދާއިރާގެ މެންބަރު ޙުސައިން ޝަހީމް (އަދުން ޙުސައިން) ވިދާޅުވެއްޖެއެވެ.
ފައްޔާޒަށް ތާޢިުދކުރައްވާކަން ހާމަކުރައްވާ އަނދުން ޙުސައިން ވިދާޅުވީ ފާއިތުވި ތަނުގައި އެމްޑީޕީ ހިންގިފައިނުވާކަމަށާއި، އެއީ ޤަބޫލުކުރަންޖެހޭ ހަގީގަތެއްކަމަށެވެ. އެހެންކަމުން އެމްޑީޕީގެ ޗެއަރޕާސަންކަމަށް ބޭނުންވަނީ ހިންގުންތެރިއެއްކަމަށާއި، އެފަދަ ހިންގުންތެރިއަކީ މި އިންތިޚާބުގައި ވާދަކުރައްވާ ދެ ކެނޑިޑޭޓުންގެ ތެރެއިން ފައްޔާޒް އިސްމާޢީލްކަމަށް އަނދުން ޙުސައިން ވިދާޅުވިއެވެ.
އަނދުން ހުސައިން ވިދާޅުވީ އިމްތިޔާޒް ފަހްމީއަކީ އެފަދަ ހިންގުންތެރި ކަމެއް ހުރި ބޭފުޅެއް ނޫންކަމަށާއި، އެކަތިގަނޑެއްގެ ގޮތުގައި ހުރިހާ އެމްޑީޕީގެ މެންބަރުން ގޮވައިގެން ވަޑައިގެންނެވޭނެ ބޭފުޅެއްވެސް ނޫންކަމަށެވެ.
އިމްތިޔާޒް ފަހްމީއަކީ އެ ހިންގުންތެރިކަމާއި އެ ގާބިލްކަން، މީހުން ގޮވައިގެން އުޅުމުގެ ހުނަރު ހުރި ބޭފުޅެއް ނޫނޭ އަޅުގަނޑު ދަންނަވާނީ. ފައްޔާޒް އިސްމާޢީލަކީ އެފަދަ ހިންގުންތެރި ބޭފުޅެއް…
– ޙުސައިން ޝަހީމް
Henveiru Dhekunu MP @AndhunHussain #MDPChairperson ah Candidate 2 Fayyaz Ismail ah thaaidhu kuranee keehve#MDPhingaalan#Faya4CP pic.twitter.com/Yp13lABzzz
— Ibrahim Rusdhee (@rusdhee) May 6, 2022
އެމްޑީޕީގެ އިސް މަގާމެއްގައި ނެތް ނަމަވެސް މިއަދާ ހަމައަށްވެސް ފައްޔާޒްގެ ކިބައިން ލީޑާޝިޕް ކޮލިޓީ ފެނިފައިވާކަން ފާހަގަކުރައްވާ ޝަހީމް ވިދާޅުވީ، އެކި ކަންކޮޅުތަކަށް ދަތުރުކުރައްވާ އެމްޑީޕީގެ މެންބަރުންގެ ކަންބޮޑުވުންތައް އަޑުއައްސަވާ އެކަންކަން ސަރުކާރުގެ ތެރެއަށް ގެނެސް ހައްލުކޮށްދެއްވުމަށް ފައްޔާޒް ވަރަށް މަސައްކަތްކުރައްވާފައިވާކަމަށެވެ.
އެމްޑީޕީގެ އަތޮޅުތެރޭގެ ގޮފިތައް ހިންގުމަށް ފައިސާ ދޭނެކަމަށް ފައްޔާޒް ވެފައިވާ ވަޢުދަށް އިޝާރާތްކުރައްވާ އަނދުން ޙުސައިން ވިދާޅުވީ މެންބަރުންގެ ކޮފީ ބަޖެޓާއި ހަރުގެ މަރާމާތު ކުރުން ފަދަ ކަންކަމަށް ފައިސާ ދޭންޖެހޭކަމަށެވެ.
One Response
ބަެފުޅާ އަށް ދޯ ހުރިހާ އެނގެނީ. ސަރުކާރު ނުހިންގޭތީ މި ބަދަލު ކުރަނީ.