މަސައްކަތްތެރިންގެ އަޑު އުފުލުމަށް މިއަހަރުގެ މަސައްކަތް ތެރިން ދުވަހު ޚާއްސަ އެއްވުމެއް ބޭއްވުމަށް ހަމަޖެހިއްޖެއެވެ.

މިކަން އިންތިޒާމު ކުރަނީ މޯލްޑިވްސް ޓްރޭޑް ޔޫނިއަނުންނެވެ. މި އެއްވުމާއި ގުޅޭގޮތުން މައުރޫފް ވިދާޅުވީ މަސައްކަތް ތެރިންގެ ހައްގުތައް ހޯދުމަށާއި، މަސައްކަތްތެރިންގެ ހުރި ކަންބޮޑުވުންތަކުގެ އަޑު އުފުލުމަށްޓަކައި ލިބޭ އެންމެ ފަހި ފުރުސަތަކީ މަސައްކަތް ތެރިންގެ ދުވަސް (މޭޑެ) ކަމަށެވެ.

މިއަހަރުގެ މޭޑޭގައިވެސް މާލޭގައި ރަސްފަންނު ހިމެނޭ ސަރަހައްދުން ހެންވޭރު ކާނިވާ ސަރަހައްދާއި ހަމައަށް އަޑު އުފުލުމުގެ ހިނގާލުމެއް ބޭއްވުމަށް ހަމަޖެހިފައިވާކަމަށެވެ. މިހިނގާލުމުގައި ރާއްޖޭގައި މަސައްކަތް ކުރާ ދިވެހި މަސައްކަތްތެރިންނާއި، ބިދޭސީ މަސައްކަތްތެރީންވެސް ބައިވެރިވުމަށް ވަނީ ދައުވަތު ދީފައެވެ. އަދި މިއީ މަސައްކަތް ތެރީން އެމީހުންގެ އަޑު އުފުލުމަށް ބާއްވާ ސުލްހަވެރި ހަރަކާތެއްކަމަށް މައުރޫފް ވިދާޅުވިއެވެ.

Mayday Rally 2022!
MTUC and affiliated unions will be having a rally in Male' on 1st of May from 16:00 hrs to 18:00hrs.The rally will commence from Rasfannu area. @TEAMmaldives @port_union @TAMaldives @MaldivesHPU @FishermensUnion
We invite workers from all industries to join pic.twitter.com/966IKed1SX

— MTUC (@mtucMV) April 27, 2022

މީގެ ކުރިންވެސް މާލޭގައި މޭޑޭ ފާހަގަ ކުރުމަށް ބޮޑެތި އެއްވުންތައް ބާއްވާފައިވެއެވެ. މަސައްކަތް ތެރިންގެ ހައްގުތައް ހޯދުމަށް ބޭއްވި މިއެއްވުންތަކުގެ ތެރެއިން އެންމެ ފާހަގަ ކޮށްލެވޭ އެއްވުމަކީ ރައީސް ޔާމީންގެ ވެރިކަމުގައި 2018 ވަނަ އަހަރު ބޭއްވި މޭޑޭ މުޒާހަރާއެވެ.