ރާއްޖޭގެ ސިއްޙީ ކަންކަން ރަނގަޅުކުރުމަށް ސަރުކާރުން ކުރާ މަސައްކަތް ވިސްނުންތެރިކަމާއެކު ކުރިއަށް ގެންދަން ޖެހޭކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ. ރައީސް ނަޝިދު މިހެން ވިދާޅުވެފައި ވާއިރު، އެމަނިކުފާނު ގެންދަވަނީ ސަރުކާރަށް ވަރަށް ބޮޑަށް ފާޑުވިދާޅުވަމުންނެވެ.

ސިއްޙި ދާއިރާ ރަނގަޅުކުރުމަށް ރައީސް ނަޝީދަށް ފެނިވަޑައިގަންނަވާ ކަންކަމާއި ގުޅޭގޮތުން އެމަނިކުފާނު ކުރެއްވި ޓްވީޓްގައި ވިދާޅުވީ، އަމިއްލަ ފަރާތްތަކަށް ހޮސްޕިޓަލް ހިންގުމަށް އިތުރު ފުރުޞަތުތައް ވަރަށް ބޭނުންތެރިކަމަށެވެ. އަދި ބޭރުގެ ހޮސްޕިޓަލް ޗެއިންތައް ރާއްހެއަށް ގެނެވޭނެކަމަށްވެސް ރައީސް ނަޝީދު ވިދާޅުވިއެ

Raajjege sihkhee kankan ragalhu kurumah sarukaarun kuraa masakkaiy visnuntheri kamaaeku kuriah gendhaan jehey. Amilla faraiythakah hospital hingumah ithuru furusathuthah varah beynuntheyri. Beyruge hospital chain thah Raajje ah geneveyne

— Mohamed Nasheed (@MohamedNasheed) April 27, 2022

މާލެއިން ލިބެން ހުންނަ ސިއްޙީ ޚިދުމަތްތައް އަތޮޅު ތެރެއަށް ފުޅާކުރުމަކީ ސަރުކާރުގެ މުހިއްމު ސިޔާސަތެކެވެ. އަދި އިތުރު ޚިދުމަތްތައް ރާއްޖެއަށް ތަޢާރަފްކުރުމަކީވެސް ޚާއްސަ އިސްކަމެއްދީގެން ސަރުކާރުން ކުރިއަށްގެންދާ މަސައްކަތެކެވެ.ރާއްޖޭގެ ސިއްޙީ ނިޒާމު ހަރުދަނާކުރުމަށް ދުނިޔޭގެ ސިއްޙަތު ޖަމިއްޔާއާއި އެހީދޭ ޤައުމުތަކާއި ޖަމިއްޔާތައް ގުޅިގެން ސަރުކާރުން އަންނަނީ މަސައްކަތް ކުރަމުންނެވެ. މިގޮތުން މާލެއާއި އަތޮޅުތެރޭގެ ސިއްޙީ ޚިދުމަތްތަކުގެ ފެންވަރު ރަނގަޅުކުރުމަށްޓަކާ ހޮސްޕިޓަލްތައް އަޕްގްރޭޑްކުރުމާއި ވަޞީލަތް ހަމަކުރުމުގެ މަސައްކަތްވެސް އަންނަނީ ކުރަމުންނެވެ.

ސަރުކާރުން ފަށާފައިވާ އެންމެ މުހިންމު އެއް މަސައްކަތަކީ، ކުދި އާބާދީތައް އޮންނަ ރަށްތަށްވެސް ބާކީނުކޮށް، އެ ރަށްރަށުންވެސް އެކަށީގެން ސިއްޙީ ޚިދުމަތްތައް ލިބޭނެ މަގު ފަހިކޮށްދިނުމެވެ. މި މަސައްކަތުގެ އެންމެ މުހިންމު އެއް ބަޔަކީ، ވީރާނާވަމުންދާ ސިއްޙީ މަރުކަޒުތައް މަރާމާތުކޮށް، ޚިދުމަތަށް ބޭނުންވާ ޖާގަ އިތުރުކުރުމަށް ކުރިއަށްގެންދާ މަޝްރޫޢުތަކެވެ.

ސިއްޙީ ދާއިރާގެ ކުރިއެރުމަށް ކުރަމުންދާ މަސައްކަތްތަކާއި ގުޅޭގޮތުން ހެލްތު މިނިސްޓަރ އަޙުމަދު ނަސީމް ވިދާޅުވީ މިވަގުތުވެސް 16 ރަށެއްގެ ސިއްޙީ މަރުކަޒަށް ޖާގަ އިތުރުކުރުމުގެ މަސައްކަތްތައް އެކި މަރުޚަލާގައި ކުރިއަށްދާކަމަށެވެ.
ސަރުކާރުން ގެންދަވަނީ ހޮސްޕިޓަލްތަކަށް ވަސީލަތްތައް ހަމަކޮށްދިނުމުގެ މަސައްކަތްވެސް ކުރިއަށްގެންދަމުންނެވެ. އެގޮތުން ހޮސްޕިޓަލްތަކަށް ކޮމްޕިއުޓަރ ސިސްޓަމްތައް ހޯދުުމުގެ މަސައްކަތްވެސް ކުރިއަށްދާކަމަށާއި މިއަހަރު ނިމެންވާއިރަށް، މުވައްޒަފުންގެ ދަތިކަންވެސް ޙައްލުވާނެކަމަށް މިނިސްޓަރ ވިދާޅުވިއެވެ.