ޓީވީ ތަރި ޗަވީ މިއްތަލްއަށް އުރަމަތީ ކެންސަރު ޖެހިޖެއެވެ.

ޗަވީ އަކީ ޓީވީ ޑްރާމާތަކުގެ އިތުރުން ބައެއް ފިލްމުތަކުން ވެސް ފެނިގެންގޮސްފައިވާ ތަރިއެކެވެ.

މީގެ އިތުރުން އޭނާ އަންނަނީ ދެ ޔޫޓީއުބް ޗެނަލެއްވެސް ހިންގަމުންނެވެ. މީގެ ދުވަސްކޮޅެއް ކުރިން އޭނާ އާންމުކުރި ޕޯސްޓުގައި ބުނެފައިވަނީ ކަސްރަތުކުރުމުގެ ތެރޭގައި މެޔަށް ލިބުނު އަނިޔާއަކާ ގުޅިގެން ހެދި ޓެސްޓުތަކުން، އޭނާއަށް އުރަމަތީ ކެންސަރު ޖެހިފައިވާ ކަން އެނގިފައިވާ ކަމަށެވެ.

އަދި އެއާއި އެކު ކެންސަރު ޖެހުމަށް މެދުވެރިވި ސަބަބާއި މެދުގައި ވަރަށް ވިސްނުނު ކަމަށާއި ހިތުތެރޭގައި ގިނަ ސުވާލުތަކެއް ހުރި ކަމަށެވެ. ނަމަވެސް ވިސްނި ވަރަކަށް ހާލަތު ގޯސްވާ ކަމަށް އޭނާ ބުނެފައިވެއެވެ.

 

View this post on Instagram

 

A post shared by Chhavi Mittal (@chhavihussein)

ޗަވީ ބުނީ ގަވައިދުން ކަސްރަތު ކުރުމާ ރަނގަޅު ކާނާ ކެއުމާއި ސިއްހަތަށް ބަލައިގެން އޭނާ އުޅެނިކޮށް ކެންސަރު ޖެހުމުން ގިނަ ސުވާލުތަކެއް ހިތަށް އެރިކަމަށެވެ.

މި ވާހަކަތަށް އިންސްޓަގްރާމްގައި ހިއްސާ ކުރުމައި އެކު އޭނާއަށް ވަނީ ވަރަށް ސަޕޯޓިވް ކޮމެންޓް ތަކެއް ލިބިފައެވެ. ދެކުދިންގެ މަންމަ ޗަވީއަކީ އަބަދުވެސް ރަނގަޅު ސިއްހަތުގައި ހުރުމަށް އިރުޝާދު ދޭ މީހެކެވެ. އޭނާ ބުނެފައިވަނީ ބަލަން ނުހުރެ ކޮންމެ މީހަކުވެސް ހަމަހުން ހަމަހުން ޓެސްޓު ހެދުން މުހިންމު ކަމަށެވެ.

އޭނާ ބުނެފައިވަނީ އެކަމާ ވަރަށް ދެރަވާ ކަމަށާއި ނަމަވެސް މިއަދު މިހެން ވިޔަސް މާދަމާ އޭނާގެ ހިތާމަކުރުން ނިމުމަކަށް އަންނާނެ ކަމަށް އުއްމީދުކުރާ ކަމަށެވެ. އޭނާ އަންނަނި ކޮންމެ ދުވަހަކުވެސް އިންސްޓަގްރާމުގައި އޭނާގެ ހާލަތު ކިޔައިދެމުންނެވެ.

އެގޮތުން އިއްޔެ ކުރި 6 ގަޑީރުގެ އޮޕަރޭޝަނަކަށްފަހު އޭނާ މިހާރު ކެންސަރ ފްރީކަމަށް މިއަދުވަނީ ބުނެފައެވެ. އަދި ދެން އޮތީ ރިކަވަރީ ކަމަށް ވެސް ވަނީ ބުނެފައެވެ.