ކުރިމަތީ ފަރާތުން ހުދުކުލައިގެ އެއްޗެހިތަކެއް ފައިބާނަމަ އަޅުގަޑުމެންގެ ނަމާދު ޞައްޙަވާނެތޯ؟ ހިނައިގަންނަން ޖެހޭނެތޯ؟
الحمد لله والصلاة والسلام على رسول الله وعلى آله وصحبه، أما بعـد
ކުރިމަތީ ފަރާތުން އެއްޗެތި ފޭބުމަކީ ވަރަށް ގިނަ އަންހެނުންނަށް މެދުވެރިވާ ކަމެކެވެ. އެއީ ޠާހިރު އެއްޗެކެވެ. ނަޖިސް އެއްޗެއް ނޫނެވެ. އޭގެ ސަބަބުން ހިނައިގަންނަން ޖެހޭ ވަރުގެ އެއްޗެއްވެސް ނޫނެވެ. އެހެންނަމަވެސް، އޭގެ ސަބަބުން ވުޟޫ ގެއްލޭނެއެވެ.
މިމައްސަލާގައި ޝައިޚް ޢުޘައިމީނާއި ސުވާލު ކުރެވުމުން ޖަވާބުގައި ވިދާޅުވެފައިވެއެވެ.
އަންހެނުންގެ ކުރިމަތީ ފަރާތުން ފައިބާ އެއްޗިއްސަކީ ރަޙިމުން ފައިބާ އެއްޗެކެވެ. އެއީ ޠާހިރު އެއްޗެކެވެ. މިތަކެތީގެ ސަބަބުން ހެދުމެއްވެސް އަދި ހަށިގަނޑެއްވެސް ނަޖިހެއް ނުވާނެއެވެ. ނަމަވެސް ވުޟޫ ގެއްލޭނެއެވެ. މެދުކެނޑުމެއްނެތި ފެން އަންނަ ކަމަށް ވަނީނަމަ ވުޟޫ އެއްވެސް ނުގެއްލޭނެއެވެ. ނަމަވެސް، ނަމާދު ވަގުތު ވަނުމުން މެނުވީ ނަމާދަށް ވުޟޫކޮށްގެން ނުވާނެއެވެ. އަދި ވީވަރަކުން ރައްކާތެރިކަމުގެ ފިޔަވަޅު އަޅަންވާނެއެވެ. އެގޮތުން ފެން އައުން ބަންދުކޮށްލަންވާނެއެވެ.
ފެން އައުން ވަކި ވަގުތެއްގައި މެދުކެނޑޭނަމަ، އެވަގުތަކަށް ނަމާދު ކުރުން ލަސްކުރަންވާނެއެވެ. ނަމަވެސް، ނަމާދު ވަގުތުން ބޭރުވެދާނެ ކަމަށް ބިރު ހީވާނަމަ، ފެން އައުން މެދު ނުކެނޑުނަސްވެސް ނަމާދު ކުރަންވާނެއެވެ. (ފަތާވާ އިބްނު ޢުޘައިމީން 11/284). والله أعلم
ކޮމެންޓު ފޮނުވާ