ބޮލީވުޑްގެ ހުނަރުވެރި ބަތަލާ ކަންގަނާ ރަނާވަތުގެ ކުރިއަށް އޮތް ފިލްމް "ދާކަޑް" ގައި އޭނާ ތަފާތު 7 ލުކެއް ފެނިގެންދާނެއެވެ.
މި ވަރުގަދަ އެކްޝަން ތުރިލާގެ ޓީޒާ ޓްރެއިލާ ދައްކާލާފައި ވާއިރ،ު ޓީޒާ އިން ކަންގަނާ ފެނިގެންދަނީ ވަރަށް ތަފާތު އެހާމެ ނުރައްކާތެރި މީހެއްގެ ގޮތުގައެވެ.
ކަންގަނާގެ ތަފާތު 7 ކުލްގައި ތަފާތު އެތަށް ކަންތަށްތަކެއް ގެނެސްދޭއިރު، މިއީ މިފަދަ އެކްޝަން ރޯލަކުން އަންހެނަކު ފެނިގެންދާ ފުރަތަމަ ބޮލީވުޑް ފިލްމެވެ.
ހަތަރު ނެޝަނަލް އެވޯޑް ހޯދާފައިވާ ބަތަލާ މި ފިލްމުގައި ކުޅެފައި ވަނީ އޭޖެންޓް އަގްނީ ކިޔާ ރޯލެކެވެ.
View this post on Instagram
ގިނަ ބަސްތަކަކުންގެނެސްދޭ މި ފިލްމަކީ އެކްޝަން މަންޒަރުތައް ގިނަ ފިލްމެކެވެ. ހިންދީ، ޓަމިލް، ތެލުގޫ އަދި މަލަޔާޅަމް ބަހުން ގެނެސްދޭ މިފިލްމަަށް ގިނަބަޔަކު އަންނަނީ އިންތިޒާރު ކުރަމުންނެވެ.
އަންނަ މަހުގެ 20 ވަނަ ދުވަހު ސިނަމާތަކަށް ގެންނަން ހަމަޖެހިފައިވާ "ދާކަޑް" އަކީ ކަންގަނާ އަބަދުވެސް ބުނާފަދައިން ތަފާޓު ފިލްމަކަށް ވާނެއެވެ.
ފިލްމުގެ މުހިންމު ރޯލުތަކުން އަރުޖުން ރާމްޕަލް، ދިވްޔާ ދަތު އަދި ސަސްވަތާ ޗަތުރްޖީ ވެސް ފެނިގެން ދާނެއެވެ.
ދީޕަކް މުކުޓް އަދި ސޮހޭލް މަކްލާލް ޕްރޮޑިއުސް ކޮށްފައިވާ މި ފިލްމްއަކީ ރަޒްނޭޝް ގާއި (ރާޒީ) ޑައިރެކްޓް ކޮށްފައިވާ ފިލްމެކެވެ.
