ކޮންމެ އަހަރަކު އެމްޑީޕީއަށް ދައުލަތުންދޭ ލާރިއަށް ވާގޮތް ބަލަން އެމްޑީޕީގެ އާންމު މެމްބަރުން ނުހަނު ބޭނުންވާކަމަށާއި، ފައިސާއަށް ވާގޮތް، މިނިސްޓަރ ފައްޔާޟު އިންތިޚާބު ވުމަށްފަހު އާންމު މެމްބަރުންނަށް ސާފު ކޮށްދެއްވާނެކަމުގެ ޔަގީންކަން ދެއްވާފައިވާކަމަށް މަކުނުދޫ ދާއިރާގެ މެމްބަރު މުހައްމަދު ރާއީ ވިދާޅުވެއްޖެއެވެ.
ރާއީ މިހެން ވިދާޅުވީ، ފާއިތުވެދިޔަ އަހަރުތަކުގައި އެމްޑީޕީއަށް ދައުލަތުން ދޭ ލާރިއަށް ވާގޮތާއި، ކުރި ހޭދަތަކާއި ގުޅޭގޮތުން އެޕާތީގެ އާންމު މެމްބަރުން ކުރަމުންދާ ސުވާލުތަކާއި ގުޅިގެންނެވެ. މިނިސްޓަރ ފައްޔާޟު އަތޮޅު ތެރެއަށް ކުރައްވާ ދަތުރުފުޅު ތަކުގެ ތެރެއިން އެމްޑީޕީ މެމްބަރަކާއި ވާހަކަ ދައްކަވަން ހުއްޓައި، ނަގާފައިވާ ފޮޓޯއެއް ހިއްސާކުރައްވައި ރާއީ ވިދާޅުވީ، އެމްޑީޕީގެ އާންމު މެމްބަރުން ބޭނުންވާ ގޮތަށް ޕާޓީން ފައިސާތަކަށް ޚަރަދު ކުރާގޮތުން ފައްޔާޟު ސާފުކޮށް ދެއްވާނެކަމަށެވެ.
ކޮއްމެ އަހަރަކު އެމްޑީޕީއަށް ދައުލަތުންދޭ ލާރިއަށް ވާގޮތް އާއްމު މެމްބަރުންނަށް ސާފްކޮށް ބުނެދިނުމަކީ ޕާޓީގެ ލީޑާރސިޕުން ކުރަންޖެހޭނެކަމެކެވެ. މިހާރު ކުރިއަށްދާ ކެމްޕެއިންތެރެއިން އެއްމެ ގިނައިން ކުރެވޭ ސުވާލަކީއެއެވެ. ފައްޔާޟު ބުނަމުންދަނީ ތިމަން ތިކަން ކުރާނަމޭ. ޕާޓީ ހިންގާލާނަމޭ.
– ރާއީ ވިދާޅުވިއެވެ.
މި ކެމްޕެއިންތެރެއިންވެރިރަށް މާލޭގައި ދަމާފައި ހުރި ބެނާތަކުން ޕާޓީގެ ހާލަތު ބުނެދެއެވެ،އާއްމު މެމްބަރުން ދައްކަމުންދާ ވާހަަކަ އާއި ބެނާތަކުގައިވާ ވާހަކަ އާއި ދިމާވެއެވެ،ވަގުތުދެވުނެވެ،ޝަކުވާޔަކާނުލައެވެ,މިހާރު އާާއްމު މެމްބަރުން ބޭނުމީ ބަދަލެކެވެ،ވޯޓުން @faya_i ހޮވާށެވެ. https://t.co/7e7I5vQX6X
— Mohamed Raee / Makunudhoo Constituency (@Mraee12) April 5, 2022
ޗެއާޕާސަންގެ އިންތިޚާބަކީ މިނިސްޓަރ ފައްޔާޟާއި ވާދަކުރައްވާ ބޭފުޅުންގެ ވާހަކުންވެސް އެމްޑީޕީގެ ހާލަތު އޮތްގޮތް ވަރަށް ބޮޑަށް ސާފުވާ ކަމެއްކަމަށް ރާއީ ވިދާޅުވިއެވެ. އެގޮތުން މާލޭގައާއި އަތޮޅު ތެރޭގައި ދަމާފައިވާ ބެނާތަކާއި، އެކިއެކި ޝުއޫރުތަކަށް ބަލާއިރު މާޒީގައި އެމްޑީޕީ ނުހިންގޭކަން ވަރަށް ސާފުކޮށް ފެންނަން ހުރިކަން ރާއީ ވަނީ ފާހަގަ ކުރައްވާފައެވެ.
މި ކެމްޕެއިން ތެރެއިން ވެރިރަށް މާލޭގައި ދަމާފައި ހުރި ބެނާތަކުން ޕާޓީގެ ހާލަތު ބުނެދެއެވެ. އާއްމު މެމްބަރުން ދައްކަމުންދާ ވާހަަކަ އާއި ބެނާތަކުގައިވާ ވާހަކަ އާއި ދިމާވެއެވެ. ވަގުތުދެވުނެވެ. ޝަކުވާޔަކާނުލައެވެ. މިހާރު އާއްމު މެމްބަރުން ބޭނުމީ ބަދަލެކެވެ. ވޯޓުން ފައްޔާޟު ހޮވާށެވެ.
– ރާއީ ވިދާޅުވިއެވެ.
ވާދަވެރިކަން ބޮޑުވެފައިވާ އެމްޑީޕީގެ ޗެއާޕާސަން އިންތިޚާބުގައި ބޮޑު ތައީދެއް މިނިސްޓަރ ފައްޔާޟަށް އޮތްއިރު މިއިންތިޚާބުގައި ވާދަކުރާ، އިންތިގެ ޓީމުންވެސް ދަނީ ވަރަށް ފޯރީގައި ކެމްޕެއިން ކުރަމުންނެވެ. އިންތިޚާބު އަންނަ މަހުގެ 14 ވަނަ ދުވަހު ބާއްވާއިރު، ދެ ކެނޑިޑޭޓުންނަށް ތާއީދު ކުރާ މެމްބަރުންގެ މެދުގައި ބަހުގެ ހޫނު ހަމަލާތައް ދަނީ ބަދަލު ކުރެވެމުންނެވެ.
