ރަޝިއާއިން ޔޫކުރެއިންްގެ ބުޗާ ޓައުންގައި ހިންގާފައިފާ އިންސާނިއްޔާތާ ޚިލާފް ޖަރީމާތަކާއި ގުޅިގެން، އީޔުންއިން ރަޝިއާއި ދެކޮޅަށް ދަތިކުރުމުގެ އާ ފިޔަވަޅުތައް އަޅާނޭކަން ހާމަ ކޮށްފިއެވެ.
އީޔޫއިން ރަޝިއާއި ދެކޮޅަށް އަލަށް އަޅަން ނިންމާފައިވާ ފިޔަވަޅުތަކުގެ ތެރޭގައި، ޔޫރަޕްގެ ގައުމުތަކަށް ރަޝިއާއިން ކޯލް އެތެރެކުރުން ހުއްޓާލުމާއި، ޔޫރަޕްގެ ޕޯޓުތަކަށް ބަނދަރު ކުރުމުގެ ފުރުސަތު ރަޝިއާގެ އާގު ބޯޓުތަކަށް އިތުރަށް ނުދިނުންވެސް ހިމެނެއެވެ.
އީޔޫއިން ރަޝިއާއި ދެކޮޅަށް އަޅަށް މިއަދު އިއުލާންކުރި ފިޔަވަޅުތައް އީޔޫގެ ކައުންސިލްގެ 27ގައުމުން ފާސްކޮށްފިނަމަ، މި ފިޔަވަޅުތައް ވެގެންދާނީ ރަޝިއާއިން ޔޫކުރެއިންއަށް އުދުވާނީ ހަމަލާ ދޭން ފެށިފަހުން އެގައުމާ ދެކޮޅަށް އިގްތިސާދީގޮތުން ދަތިކުރުމުގެ ފިޔަވަޅު އެޅުމަށް ނިންމާ 5ވަނަ ފަހަރު ކަމުގައެވެ.
އީޔުއިން އަލަށް އަޅާ މި ފިޔަވަޅުތައް އިއުލާން ކުރައްވަމުން، ޔޫރަޕިއަން ކޮމިޝަންގެ ރައީސާ އުރުސުލާ ވޮން ޑާރ ލެޔެން ވިދާޅުވެފައިވަނީ، ރަޝިއާއިން ޔޫކުރެއިންގައި ކުރަމުންދަނީ ވަރަށް އަނިޔާވެރި ހަނގުރާމައެއް ކަމުގައެވެ.
Russia is waging a cruel, ruthless war, also against Ukraine’s civilian population.
We need to sustain utmost pressure at this critical point.
So today we are proposing a 5th package of sanctions. pic.twitter.com/GEuPQf0Wgr
— Ursula von der Leyen (@vonderleyen) April 5, 2022
ރަޝިއާ ސިފައިން ޔޫކުރެިންގެ ބުޗާ ޓައުންގައި ހިންގާފައިވާ އިންސާނިއްޔަތާއި ޚިލާފް ޖަރީމާތައް ދުނިޔޭގެ ގައުމުތަކުން ދަނީ ކުށްވެރި ކުރަމުންނެވެ. އަދި ރަޝިއާގެ އަމަލްތައް ކުށްވެރިކޮށް، ގިނަ ގައުމުތަކުން މިހާރުވަނީ ރަޝިއާގެ ސަފީރުން އަބުރާ ފޮނުވާލާފައެވެ. މީގެތެރޭގައި ޔޫރަޕްގެ ގިނަ ގައުމުތައްވެސް ހިމެނެއެވެ. އަދި ދުނިޔޭގެ ގައުމުތަކުން ދަނީ ރަޝިއާގެ ޖަރީމާތަކަށް ބައިނަލްއަގުވާމީ ތަހުގީގެއް ހިންގުމަށް ގޮވާލަމުންނެވެ.
ރަޝިއާއިން ވަނީ މި ތުހުމަތުތައް ދޮގު ކޮށްފައެވެ. އަދި ބުނެފައިވަނީ، މިއީ ޔޫކުރެއިންއިން ރަޝިއާ ބަދުނާމު ކުރުމަށް ހިންގާފައިވާ ޖަރިމާތަކެއް ކަމުގައެވެ.
