ކޯވިޑު 19 ޕެންޑަމިކުގެ ސަބަބުން އިމިއުން ސިސްޓަމަށް ވަރަށް ސަމާލުކަން ދޭންޖެހެއެވެ. ޕެންޑަމިކްގެ ފިޔަވަޅުތަކާއި އަސަރުތައް މަޑުމަޑުން އާދަވާން ފެށި ކަމުގައި ވިޔަސް ގިނަ ބައެއްގެ ދިރިއުޅުން މިހާރު ވަނީ ވަރަށް ބޮޑަށް ބަދަލު ވެގެން ގޮސްފައެވެ.
ކޯވިޑް 19 އާއި ދެކޮޅަށް އިމިއުންސިސްޓަމް ވަރުގަދަ ކުރުމަށް ވިޓަމިން ސީ އަދި ވިޓަމިން އީ އެކުލެވޭ މޭވާ ކަމުގައިވާ، ގުރޭޕްފުރުޓް އަދި އެވަކާޑޯ ފަދަ ކާނާ ކާށެވެ. މީގެ އިތުރުންވެސް ހަށިގަނޑަށް ފައިދާ ހުރި ކާނާ، ތަރުކާރީ އާއި މޭވާ ވީހާވެސް ގިނައިން ބޭނުން ކުރުން މުހިންމެވެ.
މިކިޔައިދެނީ އިމިއުންސިސްޓަމަށް ބޭނުންވާ ނިއުޓްރިޝަން އެކުލެވޭ އަދި ބަރުދަން ލުއިކުރުމަށް އެންމެ މޮޅު ޑައިޓުތަކެކެވެ.
- ފްލެކްސިޓޭރިއަން ޑައިޓް
މި ޑައިޓުގައި ބޭނުންކުރާނީ ހަމައެކަނި ދަނޑުގޮވާމުގެ ބާވަތްތަކެވެ. އޭގެ ތެރޭގައި ބަރަބޯ އޮށާއި ޕީސް އާއި އަލްމަންޑު ފަދަ ތަކެއްޗެވެ. އަދި މި ޑައިޓުގައި އެއްވެސް ވަރަކަށް މަހުގެ ބާވަތެއް ބޭނުންނުކުރާށެވެ.
- އިންޓާމިޓެން ފާސްޓިންގ
މި ޑައިޓު ކުރާނީ ދުވަހުގެ 8 ގަޑިއުރު ކެއުމަށްފަހު ބާކީއޮތް 16 ގަޑިއިރު ނުކައި ރޯދައަށް ހުންނަހެން ހުރެގެންނެވެ. މި ޑައިޓުގައި 8 ގަޑިއިރުގެ ތެރޭގައި ކޮންމެ ބާވަތެއްގެ ކާނާއެއްވެސް ކެވިދާނެއެވެ.
- ޑޭޝް ޑައިޓް
ޑޭޝް ޑައިޓަކީ ހިތުގެ ބަލިތަކުންނާއި ލޭމައްޗަށް ދިއުން ކޮންޓުރޯލްކުރާ ޑައިޓެކެވެ. މި ޑައިޓުގައި ކާނީ އާންމުކޮށް ކާ ފައިދާހުރި ކާނާ އެވެ. އޭގެ ތެރޭގައި ތަރުކާރީއާއި މޭވާއާއި މަހުގެ ބާވަތްތައް ހިމެނެއެވެ.
މީގެ ކޮންމެ ޑައިޓެއް ނެގި ކަމުގައިވިޔަސް ގިނަ ގިނައިން ފެން ބުއިމަށް ހަދާން ނައްތައި ނުލައްވާށެވެ. މީގެ އިތުރުން ކޮންމެ ފަދަ ޑައިޓަކަށް ދަނީ ކަމުގައިވާނަމަވެސް ޑޮކްޓަރެއްގެ ލަފާ ހޯދުމަކީވެސް މުހިންމު ކަމެކެވެ.
