ދެމީހަކު ގެ އަލަތު ކައިވެނީގައި ތައްޔާރުވާން ޖެހޭ ކަންކަން ގިނައެވެ. ކައިވެނި ހަފްލާއެއް ބާއްވާއިރު، އެ ދުވަހަކީ ނަމޫނާ ދުވަހަކަށް ހެދުމަށްޓަކައި ބީ ގޮއްވައި، އިންތިހާ އަށް ވިސްނައި، ގިނަ ކަންތަށްތަކެއް އިންތިޒާމުކުރަން ޖެހެއެވެ. އަދި އެތައް އާ ތަފްސީލުތަކެއް ހޯދައި ގިނަ ނިންމުން ތަކެއް ފުރަތަމަ ފަހަރަށް ނިންމަން ވެސް ޖެހޭ މެއެވެ.
ނަމަވެސް ދެވަނަ ކައިވެންޏެއް ކުރާނަމަ މިކަންކަން ފަސޭހަ ވެގެން ދެއެވެ. އަދި ކަިއވެނި ހަފްލާ އަށް ވިސްނަން ޖެހޭ ގޮތް ބަދަލުވެގެން ދެއެވެ. އެއީ މީގެ ކުރިން ެވެސް އެފަދަ ތަޖުރިބާ އެއް ކޮށްފައި ހުރުމުންނެވެ. ނަމަވެސް ދެވަނަ ކައިވެންޏަކީ ފުރަތަމަ ކައިވެންޏާ އެއްވަރަށް ހާއްސަ ކައިވެންޏަކަށް ހެދުމަކީ ގޮންޖެހުންބޮޑު ކަމަކަށް ވެދާނެ އެވެ.
މި ބަލާލަނީ ދެވަނަ ކައިވެންޏަކަށް ތައްޔާރު ވާ އިރުގައި ނުވަތަ ހަފްލާ އެއް ބާއްވާ އިރުގައި ކަންކަން ފަސޭހަ ކޮށްލުމަށް ކުރެވިދާނެ ކަންކަމަށެވެ.
މެހެމާނުންގެ ލިސްޓް
އިޚްލާޞްތެރިކަމާއެކު ތިބާއަށް ހެޔޮ އެދޭ އަދި ތިބާގެ އުފާވެރިކަން ދެކެން ޝައުޤުވެރިވާ ފަރާތްތަކަށް ދަޢުވަތު ދޭށެވެ! ކޮންމެ ކޮންމެ މީހަކަށް ދައުވަތު ދިނުމުގެ ބަދަލުގައި ތިބާ އަށް އެންމެ ބޮޑަށް އެހީވާ މީހުންނަށް ދައުވަތު ދޭށެވެ. ކައިވެނި ހަފްލާގައި ބައިވެރި ކުރާ މެހެމާނުންނަކީ ތިބާ އަށް ހެޔޮއެދޭ ތިބާގެ އުފަލުގައި ބައިވެރި ވާން ބޭނުން މީހުން ކަމުގައި ބަލަންވާނެއެވެ. އަދި މީ ދެވަނަ ކަިއވެނި ކަމުން ވީހާވެސް މަދު ބަޔަކު ބައިވެރި ކުރުން ބުއްދިވެރިއެވެ.
ހަނީމޫން ރޭވުން
ތިމާގެ ގުޅުމަށް އާ ފެށުމެއް ދިނުމަށް ޓަކައި ފުރަތަމަ ކައިވެންޏާ މުޅިން ތަފާތު ގޮތަކަށް ދެވަނަ ކައިވެންޏެއް ކުރިއަށް ގެންދަން ވިސްނާށެވެ. އެގޮތުން ދެމީހުންގެ އުފަލަށް ޓަކައި ހާއްސަ ހަނިމޫން އެއް ޕްލޭން ކުރާށެވެ. އަދި އައު ފެށުމެއް ގެ ގޮތުން މީ ވަރަށް ހާއްސަ ހަނީމޫނަކަށް ހެދުން މުހިންމުއެވެ. އަދި ދެމީހުން އެކުގައި ހިމޭން ވަގުތު ހޭދަ ކުރާށެވެ. މި ހަނީމޫން އަކީ ދެމީހުންނަށް ވެސް ހާއްސަ ހަނިމޫން އަަކަށް ހަދާށެވެ.
ބަޖެޓް ކަނޑައެޅުން
ހަފްލާ އެއް ބާއްވާ އިރުގައި އެމީހަކަށް އެފޯޑް ކުރެވޭ ވަރުގެ ހަފްލާއެއް ބޭއްވުމަށް އިސްކަންދިނުން މުހިންމެވެ. އެގޮތުން ހަފްލާ ބާއްވާ އިރުގައި ވީހާވެސް އަގުހެޔޮ ގޮތަކަށް ނަމަވެސް ކޮލިޓީ ގެ ހަފްލާއެއް ބާއްވަން އިސްކަން ދިނުން މުހިންމެވެ. މި ކަނޑަ އަޅާ ބަޖެޓުން ބޭރު ނުވާނެ ފަދަ ގޮތަކަށް ކަންކަން އިންތިޒާމް ކުރުމަށް ވިސްނާށެވެ.
ކުރިއަށް ގެންދާނެ ގޮތް ރާވައިލުން
ހުރިހާ ކަމަކަށް ކުރިއާލާ ތައްޔާރުވުން މުހިންމެވެ. ފަހު ވަގުތަށް އެއްވެސް ކަމެއް ނުބޭއްވުމަކީ މުހިންމު ކަމެކެވެ. އެހެން ކަމުން އަބަދުވެސް ކަންކަން ކުރިއާލާ ރަވައިލާން ވާނެއެވެ. އޭރުން ހުރިހާ ކަމެއްވެސް ކަނޑައެޅިފައިވާ ނުވަތަ އެންމެ ބޭނުން ގޮތަށް ކުރިއަށް ދާނެއެވެ.
ތަފާތު މިޒާޖުގެ ދެމީހުކު ކައިވެނީގެ މަތިވެރި ގުޅުމުން ގުޅުމުން އެއީ ދެއާއިލާއެއްގެ ދެމެދުގައިވެސް ގުޅެވޭ ގުޅުމެކެވެ. މި ގުޅުން ވަރުގަދަ ކުރުމަށް ވަރަށް ގިނަ ކަންކަން ކުރަން ޖެހެއެވެ. އަދި އެކަިއވެނި މަތީ ދުނިޔެ އުމުރަށް ހުރުމަށް އެކަކު އަނެއްކަކަށް ކޮށްދޭން ޖެހޭ ކަންތަށް ތަކެއްވެސް ހުރެއެވެ.
